Цхинвалы байгом уыдзӕн "Полевая почта" Стыр Уӕлахизы боны цытӕн

© Sputnik / Сергей ПятаковФыстӕг
Фыстӕг - Sputnik Хуссар Ирыстон, 1920, 27.04.2022
Бафыссын
Yandex newsTelegram
ЦХИНВАЛ, 25 апр — Sputnik, Хъуылымбегты Зӕлинӕ. Стыр Фыдыбӕстон хӕсты Уӕлахизы 77-ӕм афӕдзы боны цытӕн Хуссар Ирыстоны столицӕйы байгом уыдзӕн "Полевая почта", фехъусын кодта Sputnik республикӕйы культурӕйы министр Зассеты Жанна.
"Раздӕр ацы акци уагъд цыд нӕ ветерантӕн. Алкӕмӕндӕр фадат уыд арвитын фыстӕг арфӕтимӕ нӕ ветерантӕн, кӕцытӕ хайад истой 1941-1945 азты хӕсты. Ацы аз мах фӕнды, цӕмӕй фыстӕджытӕ ӕрбацӕуой хӕсты хайадисджыты байзӕддӕгтӕм дӕр. Мах ныззаказ кодтам сӕрмагонд печаттӕ ӕмӕ фыстӕджытӕ, кӕцытӕ тагъд рӕстӕджы фӕхӕццӕ кӕндзысты сӕ адресаттӕм", - загъта министр.
"Полевой почта" бакӕндзысты майрӕмбоны, 29 апрелы. Хайад райсыны фадат дзы алы ӕмбӕстагӕн дӕр. Акцийы сӕйраг нысаниуӕг у бавӕрын Стыр Фыдыбӕстон хӕст ӕмӕ нӕ хъайтарты сгуыхтдзинӕдты фӕдыл мысӕн.
Акци цӕудзӕн 10 майы онг. Афтӕ ма Стыр Уӕлахизы 77-ӕм афӕдзы боны цытӕн Хуссар Ирыстоны ацӕудзысты къорд бӕрӕгбонон мадзалы, сӕ нымӕцы сфӕлдыстадон конкурстӕ ӕмӕ алыхуызон акцитӕ.
Ног хабӕртты лентӕ
0