https://sputnik-ossetia.com/20220428/sa-khabatyrdzinad-ssis-dantsag-tsinagary-ssardtoy-guyrdzyyy-agressiyy-amattagty-namtta-16504044.html

"Сӕ хъӕбатырдзинад ссис дӕнцӕг": Цъинагары ссардтой гуырдзыйы агрессийы амӕттӕгты нӕмттӕ

"Сӕ хъӕбатырдзинад ссис дӕнцӕг": Цъинагары ссардтой гуырдзыйы агрессийы амӕттӕгты нӕмттӕ

Sputnik Хуссар Ирыстон

ЦХИНВАЛ, 28 апр — Sputnik, Гӕбӕраты Элина. Хуссар Ирыстоны Ленингоры районы ссардтой Цъинагары трагедийы амӕттӕгты нӕмттӕ. Раст 31 азы размӕ, 1991 азы 28... 28.04.2022 мӕ, Sputnik Хуссар Ирыстон

2022-04-28T14:45+0300

2022-04-28T14:45+0300

2022-04-28T15:43+0300

ног хабӕрттӕ

хуссар ирыстоны

цъинагары трагеди

https://cdnn1.img.sputnik-ossetia.ru/img/07e6/04/1c/16501223_0:161:3071:1888_1920x0_80_0_0_18fda3ff82da7659dc30b7aa41c36fbf.jpg

ЦХИНВАЛ, 28 апр — Sputnik, Гӕбӕраты Элина. Хуссар Ирыстоны Ленингоры районы ссардтой Цъинагары трагедийы амӕттӕгты нӕмттӕ. Раст 31 азы размӕ, 1991 азы 28 апрелы, хъӕуы авд ӕнӕхотых цӕрӕджы - Мӕргъиты Отар, Бибылты Гиви, Чертхъоты Славик, Хуыбылты Зауыр, Хуыбылты Отар, Дудайты Тенгиз ӕмӕ Хуыбылты Таймураз - фӕмард сты гуырдзиаг боевикты къухтӕй. Гуырдзиаг группировкӕтӕ ӕрбацыдысты цӕрджыты фос атӕрынмӕ, нӕлгоймӕгтӕ сӕ размӕ атындзыдтой сӕ фос бахъахъхъӕнынмӕ. Гуырдзиӕгтӕ сӕ ӕгъатыр мард акодтой. Ӕрвылазон митинг ацыд цыппӕрӕмы Цъинагары центры. Хъӕуы цӕрджытӕ ӕмӕ республикӕйы къухдариуӕгады минӕвӕрттӕ сӕвӕрдтой дидинджытӕ амӕттӕгты цыртмӕ. Президент Бибылты Анатолий 31 азы размӕ ӕрцӕугӕ цауты схуыдта ӕвирхъау трагеди.Бибылты Анатолий ӕрсидт ӕрӕмбырдуӕвджытӕм, цӕмӕй цъинагайрӕгты сгуыхтдзинад рох макуы уа, Ирыстонӕн та йӕ цӕст бауарзта сабыр арв ӕмӕ фӕрныгад.Митингы скъоладзаутӕ радзырдтой хъӕуы хъахъхъӕнджытӕн нывонд ӕмдзӕвгӕтӕ. Иу уысм ӕдзӕмӕй алӕугӕйӕ ссардтой фӕмардуӕвӕг хъайтарты рухс нӕмттӕ ӕмӕ арвмӕ суагътой сау тымбылӕгтӕ. Джемал, Цъинагары трагедийы хайадисджытӕй иуы - Мӕргъиты Отары - фырт, радзырдта, йӕ фыдыл уыцы фыдохы рӕстӕджы кӕй цыд ӕрмӕстдӕр 40 азы. "Ӕхсӕзӕм майы нӕм вӕййы бӕрӕгбон ӕмӕ мӕ фыд уыцы бонмӕ фыхта бӕгӕны. Уый афтӕ баззад цуайнаджы", - загъта Джемал.Йӕ ныхӕстӕм гӕсгӕ, хотыхджын гуырдзиӕгты фенгӕйӕ, фыййау ӕххуысмӕ фӕстидт хъӕуы цӕрджытӕм. Уыдон, кӕй зӕгъын ӕй хъӕуы, атындзыдтой абырджыты ныхмӕ фӕлӕууынмӕ. Иннӕйы та, Джемалы ныхӕстӕм гӕсгӕ, амардтой Ленингоры рынчындоны. Дохтыртӕ лӕгъстӕ кодтой фыдгӕнджытӕн, цӕмӕй йӕ ныууадзой удӕгасӕй, йӕ уӕлӕ ныххаудысты, фӕлӕ сыз уӕддӕр нӕ бантыст йӕ аирвӕзын кӕнын.

2022

ног хабӕрттӕ

os_OS

ног хабӕрттӕ, хуссар ирыстоны, цъинагары трагеди