https://sputnik-ossetia.com/20220430/tsy-u-synr-m-y-kuyd-tsgdynts-16428862.html

Цы у сынæр æмæ йæ куыд цæгъдынц?

Цы у сынæр æмæ йæ куыд цæгъдынц?

Sputnik Хуссар Ирыстон

Ирон æвзаджы цы дзырдтæ ис, уыдонæй иутæ сæрибар сты, иннæтæ та æнæ кæрæдзи нæ фæразынц. Дзырд "цæгъдын"-æн сæрмагондæй ис бирæ нысаниуджытæ. Сæрибар дзырд у... 30.04.2022 мӕ, Sputnik Хуссар Ирыстон

2022-04-30T13:08+0300

2022-04-30T13:08+0300

2022-04-30T13:08+0300

хуссар ирыстоны

радио иронау

зонад

https://cdnn1.img.sputnik-ossetia.ru/img/07e6/04/16/16428687_29:0:1473:812_1920x0_80_0_0_42da77571ffb40bbd20104ab5b9feb5f.png

Ирон æвзаджы цы дзырдтæ ис, уыдонæй иутæ сæрибар сты, иннæтæ та æнæ кæрæдзи нæ фæразынц. Дзырд "цæгъдын"-æн сæрмагондæй ис бирæ нысаниуджытæ. Сæрибар дзырд у æмæ æндæр дзырдтимæ фылдæр хатт аразы сæрибар дзырдбæстытæ. Фæлæ ма ирон æвзаджы ис ахæм дзырдтæ, кæцытæ ацы дзырдимæ сæхи мыггагмæ сбастой, æндæр дзырдтимæ нæ иу кæнынц. Уыдон сты: "сынæр", "дзæнгæда", "тыбыртæ" æмæ цалдæр æндæр дзырды. Не ʻвзаджы баззадысты æмæ цæрынц æрмæст дзырд "цæгъдын"-ы руаджы. Æнæуый сæ нал дзурæм æмæ сæ æмбаргæ дæр нал кæнæм. Сынæр цæгъдынц кæрдæгæй хæсгæ цæрæгойтæй иуæй-иутæ. Гал сæрвæты ныхъхъуыры æнæууылд кæрдæг, стæй ривæды, кæнæ хæдзармæ æрыздæхгæйæ, йæ бынаты хуысгæйæ чъиу æууилæгау кæны: уæцъæфæй дзыхмæ хайгай сæппары уыцы кæрдæг, баууилы йæ æмæ йæ ногæй аныхъуыры. Ис ма: "дзæнгæда цæгъдын", "гæндзæхтæ цæгъдын", "тыбыртæ цæгъдын", "сæнттæ цæгъдын", "хъусы цæгъдын", "тъæнгтæ ацагътой" æмæ æндæртæ. Цы нысан кæнынц иннæ дзыдбæстытæ, уый тыххæй бæстондæрæй хъусут радио Sputnik Хуссар Ирыстоны 106. 3 fm. Алæвæрд арæзт у Гæбæраты Никъалайы чиныг "Афтæ цæмæн дзурæм"-мæ гæсгæ.

2022

ног хабӕрттӕ

os_OS

хуссар ирыстоны, радио иронау , зонад, аудио