Натия Чохели: Цхинвалы гимнази "Альбион" хайад райста IV Ӕхсӕнадӕмон театралон фестивалы

Натия Чохели: Цхинвалы гимнази "Альбион" райста хайад IV Ӕхсӕнадӕмон театралон фестивалы
Бафыссын
Yandex newsTelegram
Хӕдархайгӕ коллективтӕ ӕмӕ адӕмон театры IV Ӕхсӕнадӕмон фестиваль "Театральная весна" ацы аз цӕуы Цӕгат Ирыстон-Аланийы. Хуссар Ирыстонӕй дзы хайад райста гимнази "Альбион"-ы театралон къорд. Йӕ къухдариуӕггӕнӕг, РХИ Адӕмон артисткӕ Натия Чохели куыд радзырдта, уымӕ гӕсгӕ ахуырдзаутӕ бацӕттӕ кодтой пьесӕ ӕмӕ йӕ жюрийӕн равдыстой Хуссар Ирыстоны паддзахадон драмон театры сценӕйыл.
"Афтӕ рацыд ӕмӕ жюрийы уӕнгтӕ сӕхӕдӕг ӕрцыдысты Хуссар Ирыстонмӕ ӕмӕ ам федтой пьесӕ, уый фестивалы домӕнтӕм гӕсгӕ у", - загъта Натия.
Драмон къорды къухдариуӕггӕнӕджы ныхӕстӕм гӕсгӕ, жюрийӕн равдыстой Къостайы ӕмдзӕвгӕтӕй, фыстӕджытӕй ӕмӕ Херсоны ӕрвысты рӕстӕджы мысинӕгтӕй конд пьесӕ.
"Жюрийы уӕнгты интервьюмӕ гӕсгӕ, пьесӕ сӕ зӕрдӕмӕ фӕцыд ӕмӕ кӕд исты бынат рамбулӕм, уӕд ацӕудзыстӕм ӕмӕ йӕ Цӕгат Ирыстон Ирон театры сценӕйыл дӕр равдисдзыстӕм", - бафиппайдта Чохели.
Уый ма банысан кодта, йӕ хъомылгӕнинӕгты ӕхсӕн кӕй ис курдиатджын сывӕллӕттӕ, фӕлӕ йӕ нӕй ныфс, уыдон сомбон профессийӕн кӕй равзардзысты актеры дӕсныйад.
Ног хабӕртты лентӕ
0