Уӕрӕсейы авиаци ӕхсӕвы дӕргъы скуынӕг кодта УГТ техникӕ ӕмӕ тыхты тыгуырты 93 районы

© Sputnik / РИА Новости / Ахизын фотобанкмӕУФ ӕфсӕддон техникӕ
УФ ӕфсӕддон техникӕ - Sputnik Хуссар Ирыстон, 1920, 05.05.2022
Бафыссын
Yandex newsTelegram
ЦХИНВАЛ, 5 май — Sputnik. Уӕрӕсейы уӕлдӕфон-космикон тыхты оперативон-тактикон ӕмӕ ӕфсӕддон авиаци ӕхсӕвы дӕргъы ныццавта украинӕйаг техникӕ ӕмӕ удӕгас тыхты тыгуырты 93 районы. Уый тыххӕй райсомы брифингы фехъусын кодта УФ хъахъхъӕнынады министрады официалон минӕвар инӕлар-майон Игорь Конашенков.
Уымӕй дарддӕр ма Уӕрӕсейы Гарзджын тыхты артиллери дысон ӕхсӕв скуынӕг кодта 32 украинӕйаг фӕткдаруатон пункты, фондз ӕфтауцы, 600 фылдӕр националисты ӕмӕ техникӕйы 61 иуӕджы.
"Артиллерион дӕлхайӕдтӕ ныццавтой 32 фӕткдаруатон пункты, фондз ӕфтауцы хӕстӕрмӕджытимӕ, 403 ӕнцойгӕнӕн пункты, техникӕ ӕмӕ удӕгас тыхты тыгуырты районты, афтӕ ма украинӕйаг артиллерийы 51 позицийы. Афтӕ ма куынӕг ӕрцыдысты 600 фылдӕр националисты ӕмӕ техникӕйы 61 иуӕджы", - загъта Конашенков.
Ӕдӕппӕт сӕрмагонд ӕфсӕддон операцийы райдианӕй куынӕг ӕрцыдысты: 149 хӕдтӕхӕджы, 112 верттӕхӕджы, 726 ӕнӕпилотон тӕхгӕ аппараты, 288 зенитон ракетон комплексы, 2834 танчы ӕмӕ фидаргонд хӕстон машинӕйы, залпон ӕхсты 325 установкӕйы ӕмӕ ӕндӕр хӕстӕрмӕджытӕ.
Ног хабӕртты лентӕ
0