"Ирыстоны адӕм сарӕзтой равзӕрст": парламенты спикер раарфӕ кодта Гаглойты Аланӕн

© Sputnik / Natalia Airiyan РХИ парламенты спикер
РХИ парламенты спикер - Sputnik Хуссар Ирыстон, 1920, 12.05.2022
Бафыссын
Yandex newsTelegram
ЦХИНВАЛ, 12 май - Sputnik. Хуссар Ирыстоны парламенты сӕрдар Тадтаты Алан раарфӕ кодта Гаглойты Аланӕн президенон ӕвзӕрстыты уӕлахизы фӕдыл. Уый тыххӕй хъусын кӕны парламенты сайт.

"Хуссар Ирыстоны адӕм сарӕзтой равзӕрст, балӕууыдысты ӕвзонг республикӕйы дарддӕры райрӕзты фӕдыл дӕ равзаргӕ курсы фарсмӕ. Ныфс мӕ ис, ӕппӕт дӕр кӕй араздзынӕ ӕхсӕнады консолидацийы ӕмӕ стратегион нысӕнттӕ сӕххӕст кӕныны тыххӕй, ӕмӕ ӕххӕстгӕнӕн ӕмӕ закондӕттӕн къабӕзты хсӕн ӕмгуыстад та кӕй ратдзӕн фӕстиуджытӕ", - дзырдӕуы арфӕйы тексты.

Хуссар Ирыстоны президентон ӕвзӕрстыты дыккаг туры фӕуӕлахиз парти "Ныхас"-ы раздзог Гаглойты Алан. ЦӔК развӕлгъау бӕрӕггӕнӕнтӕм гӕсгӕ, Гаглойты Алан райста хъӕлӕсты 54,2 проценты. Уымӕн схъӕлӕс кодтой 15 867 ӕмбӕстаджы.
Ног хабӕртты лентӕ
0