"Ӕнӕ культурӕйы министрады хатдзӕгӕй йӕм ничи бавналдзӕн". Цы кусынц зӕронд хиды цур?

© SputnikЦалцӕггӕнӕн куыстытӕ Зӕронд хиды цур
Цалцӕггӕнӕн куыстытӕ Зӕронд хиды цур - Sputnik Хуссар Ирыстон, 1920, 13.05.2022
Бафыссын
Yandex newsTelegram
ЦХИНВАЛ, 13 май – Sputnik, Плиты Фатимӕ. Хуссар Ирыстоны столицӕйы ацы къуыри бацайдагъ сты арӕзтадон куыстытӕ зӕронд хидмӕ хӕстӕг. Горӕты айхъуыст газы трубӕ Стыр паркы кӕрӕтты уагъд цӕуы, цӕмӕй ма хъыгдара зӕронд хид пырх кӕнынӕн. Sputnik бацымыдис кодта, цы аскъуыддзаг кодтой хъаугъайаг хиды тыххӕй .
Цыппӕрӕмы уӕззау техникӕ бацыд Стыр парчы территоримӕ, донбылты дӕргъӕй дӕргъмӕ байуӕрстой егъау газы трубӕтӕ, кусджытӕ сӕхӕдӕг ӕмбарын кодтой зӕронд трубӕ тӕккӕ хидӕн йӕ уӕлӕ кӕй ис, уый тыххӕй уадзынц фӕстауӕрцон хахх.
© SputnikЦалцӕггӕнӕн куыстытӕ Зӕронд хиды цур
Ремонтные работы у  Старого моста - Sputnik Хуссар Ирыстон, 1920, 13.05.2022
Цалцӕггӕнӕн куыстытӕ Зӕронд хиды цур
Паддзахадон унитарон куыстуат "Энергоресурс"-ы газифтонгады хистӕр Табуты Нугзар бамбарын кодта, газы хӕтӕл ӕцӕг дӕр хиды иувӕрсты кӕй кӕнынц.

"Дыууӕ къуырийы ӕмгъуыдмӕ ахицӕн уыдзысты куыстытӕ, газы хӕтӕл ацӕудзӕн Зӕронд хиды иувӕрсты", - загъта Табуты Нугзар.

Арӕзтады министр Зӕгъойты Эдуард Sputnik радзырдта, ацы куыстытӕ хидмӕ кӕй ницы бар дарынц.
Зӕронд хид - Sputnik Хуссар Ирыстон, 1920, 14.12.2021
Арӕзтады министр сдзуапп кодта Цхинвалы Зӕронд хиды фӕдыл фарстытыл
"Ацы куыстытӕ хидмӕ ницы бар дарынц. Фаллаг фарсмӕ уадзӕм стырдӕр гуырахсты хахх, цӕмӕй уый фӕстӕдӕр ифтонг кӕна завод "Ирбазальт" дӕр", - загъта Зӕгъоты Эдуард.
Уый ма баныфсӕвӕрдта, ӕнӕ культурӕйы министры хатдзӕгӕй зӕронд хидмӕ ничи бавналдзӕн.
© SputnikЦалцӕггӕнӕн куыстытӕ Зӕронд хиды цур
Ремонтные работы у  Старого моста - Sputnik Хуссар Ирыстон, 1920, 13.05.2022
Цалцӕггӕнӕн куыстытӕ Зӕронд хиды цур
"Хид ис ацы азы арӕзтады нывӕзты. Фӕлӕ нырма фарст кӕронмӕ скъуыддзаг нӕу. Алыг кӕнын йын гӕнӕн ис ӕрмӕст уынаффӕтӕ ӕмӕ Культурӕйы министрады хатдзӕгты фӕстӕ. Стӕй хидыл куыстмӕ цӕмӕй бавналой, уый тыххӕй хъӕуы донвӕд фӕивын, уый та саразӕн ис ӕрмӕст августы, уӕд доны гуырахст вӕййы къаддӕр", - бафтыдта уый.
Хуссар Ирыстоны столицӕйы зӕронд хиды хъысмӕт ссис хъуагъайаг республикӕйы. Ацыд тымбыл фынгтӕ ӕмӕ уынаффӕтӕ, фӕлӕ иу хъуыдфмӕ не рцыдысты. Ӕхсӕнады минӕвӕрттӕй бирӕтӕ домынц зӕронд хид бахъахъхъӕнын фистӕгӕй цӕуджытӕн ӕмӕ уӕззау транспортӕн та саразын ног хид горӕты хуссардӕр фарс.
Ног хабӕртты лентӕ
0