https://sputnik-ossetia.com/20220519/khipu-artykkag-khatt-arbaiu-appatduneon-aktsi-muzeyty-akhsav-ma--16769479.html

ХИПУ ӕртыккаг хатт ӕрбаиу ӕппӕтдунеон акци "Музейты ӕхсӕв"-мӕ

ХИПУ ӕртыккаг хатт ӕрбаиу ӕппӕтдунеон акци "Музейты ӕхсӕв"-мӕ

Sputnik Хуссар Ирыстон

ЦХИНВАЛ, 19 май – Sputnik, Тъехты Дзерассӕ. Хуссар Ирыстоны паддзахадон университеты (ХИПУ) ӕртыккаг хатт ацыд ӕппӕтдунейон акци "Музейты ӕхсӕв". Ӕхсӕвы дӕргъы... 19.05.2022 мӕ, Sputnik Хуссар Ирыстон

2022-05-19T12:17+0300

2022-05-19T12:17+0300

2022-05-19T12:37+0300

ног хабӕрттӕ

ӕхсӕв музейы

культурӕ

https://cdnn1.img.sputnik-ossetia.ru/img/07e6/05/13/16767157_0:161:3071:1888_1920x0_80_0_0_cf7a2b3b4a802066c97d7f75fcedb50d.jpg

ЦХИНВАЛ, 19 май – Sputnik, Тъехты Дзерассӕ. Хуссар Ирыстоны паддзахадон университеты (ХИПУ) ӕртыккаг хатт ацыд ӕппӕтдунейон акци "Музейты ӕхсӕв". Ӕхсӕвы дӕргъы ХИПУ музейон комплексмӕ фӕуазӕг сты цалдӕр сӕдӕ адӕймаджы, сӕ фылдӕр - ныййарджытӕ сӕ сывӕллӕттимӕ. Мадзал райдыдта 20.00 сахатыл. Уазджыты раз раныхас кодта музейон комплексы хистӕр Касаты Фатимӕ. Уый радзырдта комплексы сӕвзӕрды истори ӕмӕ бузныг загъта, йӕ арӕзтад ӕмӕ экспонаттӕй сифтонг кӕныны хъуыддагмӕ чидӕриддӕр ӕххуысы къух фӕдаргъ кодта, ӕппӕт уыцы адӕмӕн.Касаты Фатимӕ банысан кодта, ахуыргӕнӕндоны нывты коллекци кӕй баххӕст ис ногтӕй: Саулохты Константин сын балӕвар кодта зындгонд нывгӕнӕг Гасситы Ӕхсары ныв "Ӕфхӕрдты Хӕсанӕ"-йы эскиз, Хуссар Ирыстоны нывгӕнджыты цӕдисы уӕнг Тедеты Маргарита та схӕлар кодта ныв "Отголоски прошлого".Ӕрӕмбырдуӕвджыты раз ма раныхас кодта Национ музейы директор Зассеты Мераб дӕр ӕмӕ стыр ӕхсызгонӕй банысан кодта ХИПУ музейы ӕмвӕзад. Зассеты Мераб фӕхуыдта ӕмбӕстӕгты Национ музеймӕ "Музейты ӕхсӕвмӕ" сабаты, 21 майы. Уым та акци райдайдзӕн 18.00 сахатыл.Уымӕй дарддӕр ма мадзалы ралӕууыдысты Цхинвалы 1-ӕм скъолайы ахуырдзаутӕ, уыдон бакастысты ӕмдзӕвгӕтӕ мадӕлон ӕвзагыл, афтӕ ма радзырдтой ирон фынг ӕмӕ хистӕр ӕмӕ кӕстӕры хсӕн ӕмахастыты традициты тыххӕй.Уый фӕстӕ уазджытӕ азылдысты музейыл, базонгӕ сты фыдыбӕстӕйы фаунӕ, археологи ӕмӕ этнографиимӕ, федрой зынгӕ нывгӕнӕг Чилӕхсаты Магрезы куыстыты равдыст.

2022

ног хабӕрттӕ

os_OS

ног хабӕрттӕ, ӕхсӕв музейы, культурӕ