https://sputnik-ossetia.com/20220522/lvrdton-vi-dtton-16652801.html

Лæвæрдтон æви дæттон?

Лæвæрдтон æви дæттон?

Sputnik Хуссар Ирыстон

Бирæ хатт фехъусæн ис лæвæрдтоны бæсты дæттон. Афтæ сахуыр сты, æмæ йæ хатгæ дæр нал кæнынц, раст кæй нæ дзурынц, уый. Адæймаг цæуыл фæцахуыр уа, уый зынæй... 22.05.2022 мӕ, Sputnik Хуссар Ирыстон

2022-05-22T11:09+0300

2022-05-22T11:09+0300

2022-05-22T11:09+0300

хуссар ирыстоны

радио иронау

зонад

https://cdnn1.img.sputnik-ossetia.ru/img/07e6/05/0a/16652723_29:0:1473:812_1920x0_80_0_0_53822d3eaee72015f3fe0fb9fd2da53c.png

Бирæ хатт фехъусæн ис лæвæрдтоны бæсты дæттон. Афтæ сахуыр сты, æмæ йæ хатгæ дæр нал кæнынц, раст кæй нæ дзурынц, уый. Адæймаг цæуыл фæцахуыр уа, уый зынæй сафы. Æцæг у, дзырд æртæ афоны чысыл фендæртæ вæййы, фæлæ, æмткæй сисгæйæ, цы у, уымæй баззайы. Цæмæн фæцахуыр вæййынц иуæй-иу адæймæгтæ дæттон дзурыныл? Дзырдтæ сæ нысаниуæгмæ гæсгæ дих кæнынц къордтыл. Иу къордмæ цы дзырдтæ хауынц, уыдон ивгæ дæр æмхуызон æгъдæуттæм гæсгæ кæнынц. Зæгъæм, предметты нæмттæ иу къорды дзырдтæ сты æмæ тасындзæг дæр иугъуызон кæнынц. Архайд цы дзырдтæ амонынц, уыдон та хицæн къорд сты æмæ афонты формæтæ дæр иумæйаг æгъдæуттæм гæсгæ аразынц: фыссæм, бадæм, кусæм, фыстам, бадтыстæм, куыстам; фысдзыстæм, баддзыстæм, кусдзыстæм... Ирон æвзаджы æппæт мивдисджытæ афонты формæтæ аразынц ахæм иумæйаг фæткыл. Уыцы фæтк адæймаг сабийæ базоны æмæ уыцы иумæйаг фæткмæ гæсгæ йæхæдæг саразы дæттыны формæтæ дæр: дæттын – дæттон – дæтдзынæн. Уымæн æмæ лæвæрдтон уыцы фæткæй нæу æмæ йæ саби нæ зоны, алыхатт ыл нæ фембæлы. Сывæллоны рæстæгыл куынæ бараст кæнай, кæнæ та йæхæдæг куынæ бамбара, куыд растдæр у, уый, уæд афтæ дзурдзæн цæрæнбонтæм. Æрмæг арæзт æрцыд Гæбæраты Никъалайы чиныг "Цæмæн афтæ дзурæм"-мæ гæсгæ. Бæстондæрæй æрмæгмæ хъусут радио Sputnik Хуссар Ирыстон 106.3 fm.

2022

ног хабӕрттӕ

os_OS

хуссар ирыстоны, радио иронау , зонад, аудио