Хуссар Ирыстоны хицауад фехъусын кодта йӕ отставкӕйы тыххӕй

© Sputnik / Наталья АйриянХицауад
Хицауад - Sputnik Хуссар Ирыстон, 1920, 24.05.2022
Бафыссын
Yandex newsTelegram
ЦХИНВАЛ, 24 маq – Sputnik, Плиты Фатимӕ. Хуссар Ирыстоны хицауад фехъусын кодта йӕ отставкӕйы тыххӕй. Ӕххӕстгӕнӕг орган фарстмӕ ӕркаст дыццӕджы рабадты.
Хицауады отставкӕйы ацыды уагӕвӕрд ист ӕрцыд Конституцийы 75 статьямӕ ӕмӕ Конституцион закъоны 35 статьямӕ гӕсгӕ. Цӕмӕй хицауады уӕнгтӕ сӕ бынатӕй сӕрибар ӕрцӕуой, уый тыххӕй ӕнӕмӕнг у президенты Гаглойты Аланы барамынд.
Хицауады архайгӕ сӕрдар Бекъойты Геннадий рабадты райдайӕны раарфӕ кодта ног президентӕн ӕмӕ бузныджы ныхӕстӕ загъта министртӕн сӕ фӕстиуӕгджын куысты тыххӕй.
"Ӕнтыстытӕ мӕ фӕнды зӕгъын ног президентӕн адӕмы хӕрpӕбонӕн. Сымахӕн та уе' ппӕтӕн дӕр дзурын бузныг, бирӕ нын бантыст саразын. Аразинӕгтӕ дӕр нырма ис, фӕлӕ уыдон уыдзысты ӕввахс фондз азы кӕнгӕйӕ", - загъта премьер.
Архайгӕ закъонмӕ гӕсгӕ, хицауады отставкӕйы райсты фӕстӕ президент дыууӕ къуырийы ӕмгъуыдмӕ бавдисы парламентмӕ ног хицауады сӕрдары кандидатурӕ, закъондӕттӕг органӕн йӕ ӕркастӕн хицӕн цӕуы иу къуыри.
Ног хабӕртты лентӕ
0