Кæсæбиты Андрей: дарддæр дæр хайад исдзæн равдыстыты Уæрæсейы горæтты

Кæсæбиты Андрейы персоналон равдыст Дзæуджыхъæуы
Бафыссын
Yandex newsTelegram
Цæгат Ирыстоны горæт Дзæуæджыхъæуы Тугъанты Махарбеджы номыл аивадон музейы йæ куыст райдыдта Кæсæбиты Андрейы персоналон равдыст. Кæсæбиты Андрей у ныв кæныны дæсны, скульптурæ æмæ хъæдæрмæгыл нывæфтыд фæлындзæг.
Æмткæй экспозицийы ис 40 куысты – скульптурæтæ, арæзт сты хъæдæрмæг æмæ бронзæйæ, графикон куыстытæ.
Андрейы куыстытæн ис æнахуыр тематикæ, арæх ис фенæн се хсæн цирхъ, кæнæ карды мотивтæ. Афтæ ма йæ цымыдис кæнынц миниатюрæтæ дæр, аразы ювелирон фæлындæнтæ. Нывгæнæджы куыстыты ирдæй зыны националон тематикæ. Андрейы ныхæстæм гæсгæ, уый райдыдта аивадмæ цымыдис кæнын суанг йæ райгуыды бонæй,
"Куыддæр мæ бон ссис къарандасыл хæцын, уæдæй фæстæмæ кæнын ныв. Уый фæстæ мæ бацымыдис кодтой нывæфтауыны æндæр фадгуытæ дæр, куыд хъæдæрмæгимæ куыст, бронзæ æмæ скульптурæ", - радзырдта нывгæнæг.
Кæсæбиты Андрейы ныхæстæм гæсгæ, уый дарддæр дæр йæ куыст кæндзæн, хайад исдзæн равдыстыты УФ æндæр горæтты дæр.
Ныр уал курдиатджын скульптор æмæ хъæдæрмæгыл нывæфтыды дæсныйы персоналон равдыстæн фенæн ис 20 июньмæ Цæгат Ирыстоны аивадон музейы.
Бæстондæрæй æрмæгмæ хъусут Sputnik Хуссар Ирыстоны.
Ног хабӕртты лентӕ
0