Уæрæсейы президент снысан кодта Александр Куренковы УУМ сæргълæууæгæй

© Пресс-служба Совета Федерации РФ / Ахизын фотобанкмӕАлександр Куренков
Александр Куренков - Sputnik Хуссар Ирыстон, 1920, 25.05.2022
Бафыссын
Yandex newsTelegram
ЦХИНВАЛ, 25 май – Sputnik. Уæрæсейы президент Владимир Путин бафыста барамынд инæлар-майор Александр Куренковы Уæлвæткон уавæрты министрæй снысан кæныны фæдыл. Уый тыххæй хъусын кæны Кремлы пресс-службæ.
Уый размæ Александр Куренков уыд Росгвардийы директоры хæдивæг.
"Уæрæсейы президент Владимир Путин йæ барамындæй снысан кодта инæлар-майор Александр Куренковы Уæрæсейы Федерацийы Уæлвæткон уавæртæ, граждайнаг хъахъхъæнынад æмæ æрдзон бæллæхтæ аиуварс кæныны фæдыл министрæй", - дзырдæуы хъусинаджы.
Уагдоны раздæры сæргълæууæг уыд Евгений Зиничев, кæцы фæмард Норильскы 8 сентябры службæйон хæстæ æххæстгæнгæйæ. Зиничевыл цыд 55 азы, мæлæты фæстæ йын радтой Уæрæсейы Хъайтары ном.
Ног хабӕртты лентӕ
0