"Дуг сæвзæрын кæны йæхи лидерты". 24 азы размæ йæ цардæй ахицæн Хуыбылты Валерий

© FacebookХуыбылты Валерий
Хуыбылты Валерий - Sputnik Хуссар Ирыстон, 1920, 31.05.2022
Рафыссын
Sputnik
Хуыбылты Валерий (Хубул) – легендарон æфсæддон командæгæнæг, Хуссар Ирыстоны ирддæр лидертæй иу. Уый йæ цардæй ахицæн 24 азы размæ 31 майы 1998 азы.
Хуссар Ирыстоны хъахъхъæнынады министры хæдивæг Сиукъаты Вадим æрымысыд, Хуыбылты Влерийы лидерон миниуджытæ кæй фæзындысты æрыгон кары, уый уæд дæр хицæн кодта йе ‘мгæрттæй. 24 азы кары та Хуыбылты Валерий сарæзта республикæйы хъахъхъæнынады министрад.
"Æз базонгæ дæн Валериимæ бирæ раздæр, цалынмæ службæ кæнын райдыдтой йæ къухдариуæгады бын Хъахъхъæнынады министрады. Институты ахуыры рæстæджы мах уыдыстæм иу факультеты – æз уыдтæн фæстаг курсыл, уый та фыццæгæм кæнæ дыккæгæмыл. Уæд дæр уый хицæн кодта йæ лидерон миниуджытæй. Йе ‘мгæрттæ йын уыдтой йæ потенциал", - дзуры Сиукъаты Вадим.
Йæ ныхæстæм гæсгæ, цъус рæстæджы фæстæ, ацы потенциал раргом ис, Валерий ссис уæды комсомолон организацийы лидертæй иу.
© МИА "Южная Осетия сегодня"Хуыбылты Валерий
Валерий Хубулов - Sputnik Хуссар Ирыстон, 1920, 31.05.2022
Хуыбылты Валерий
"Хуыбылты Валерий 1994 азы, хъахъхъæнынады министр куы уыд, уæд мæ фæхуыдта службæ кæнынмæ уагдонмæ, æмæ йæ къухдариуæгады бын æз цыдтæн æфсæддон службæ йæ царды кæронмæ. Уыцы период Хуыбылты Валерий уыд лидерты хсæн, кæцытæ æрбаиу кодтой Фыдыбæстæ хъахъхъæнджыты", - мысы Сиукъаты Вадим.
Сиуъкаты Вадимы хъуыдымæ гæсгæ, æввахс рæстæджы никæмæн бантыстдзæн суæвын дыккаг Хуыбылты Валерий, уымæн æмæ уый уыд ирд æмæ номдзыд гоймаг, кæцы йæ æвзонг кары сарæзта уыййас хорз хъуыддæгтæ паддзахадæн.
"Хуыбылты Валерий, Джиоты Алан (Парпат) æмæ бирæ æндæр перспективон адæм бирæ сарæзтой, цæмæй абон мах цæрæм хæдбар паддзахады. Ныры бон та дуг раивта, адæмæн ис æндæр нысæнттæ æмæ хæслæвæрдтæ, нал ис идеалоги, кæцы сæвзæрын кодта ацы лидерты", - бафтыдта Сиукъаты Вадим.
Хуыбылты Валерий (Хубул) райгуырд Цхинвалы 1966 азы 6 ноябры. 1983 азы фӕцис Цхинвалы фарастӕм астӕуккаг скъола, уыцы аз бацыд Хуссар Ирыстоны паддзахадон университеты физикон-математикон факультетмӕ. 1984 азы йӕм ӕрсидтысты Советон Ӕфсадмӕ. Ӕфсады фӕстӕ адарддӕр кодта йӕ ахуыр университеты ӕмӕ йӕ фӕцис 1990 азы. 1991 азы йӕ равзӕрстой Хуссар Ирыстоны областон комитеты Фыццаг секретарӕй ӕмӕ фӕскомцӕдисонты уӕнгӕй.
© Пресс-служба Минобороны РЮОХуыбылты Валерий
 Валерий Хубулов - Sputnik Хуссар Ирыстон, 1920, 31.05.2022
Хуыбылты Валерий
Гуырдзиаг агрессийы фыццаг бонтӕй фӕстӕмӕ Хуыбылты Валерий уыд хӕстон архӕйдтыты активон хайадисӕг, кӕцыты рӕстӕджы равдыста хъӕбатырдзинад ӕмӕ сорганизаци кодта ныхмӕлӕуд знагӕн.
1992 азы Хуыбылты Валерий хайад райста Гуырдзыстон ӕмӕ Хуссар Ирыстоны хсӕн конфликт ӕрбиноныг кӕныны фӕдыл Сочийы бадзырдты бафыссыны.
1993 азы йӕ къухдариуӕгады бын сарӕзтӕуыд Хуссар Ирыстоны Хъахъхъӕнынады министрад – Хуыбылты Валерий уыд уагдоны сӕргълӕууӕг 1996 азы онг. Афтӕ ма 1994 азы Хуыбылты Валерийы снысан кодтой республикӕйы хицауады сӕрдары хӕдивӕгӕй.
1994-1998 ӕзты уыд фӕсконфликтон уавӕр ӕрбиноныг кӕныны фӕдыл Контролон Къамисы уӕнг.
Хуыбылты Валерийы амардтой Дзӕуджыхъӕуы уынгтӕй иуыл 1998 азы. Хъайтырыл цыд 32 азы.
© Sputnik / Наталья АйриянХуыбылты Валерий
Памяти Валерия Хубулова - Sputnik Хуссар Ирыстон, 1920, 31.05.2022
Хуыбылты Валерий
Ног хабӕртты лентӕ
0