Цхинвайлаг пианисткæтæ ссисты æхсæнадæмон конкурсы лауреаттæ Петербурджы

© Sputnik / Залина КулумбеговаЦхинвайлаг пианисткæтæ ссисты æхсæнадæмон конкурсы лауреаттæ Петербурджы
Цхинвайлаг пианисткæтæ ссисты æхсæнадæмон конкурсы лауреаттæ Петербурджы - Sputnik Хуссар Ирыстон, 1920, 31.05.2022
Рафыссын
ЦХИНВАЛ, 31 май – Sputnik, Хъуылымбегты Зæлинæ. Хуссар Ирыстоны Колыты Аксойы номыл аивæдты Лицейы ахуыргæнинæгтæ Кокойты Стелла æмæ Собаты Сабина ссисты æртыккæгæм къæпхæны лауреаттæ æхсæнадæмон конкурс "Феерия белых ночей"-ы Санкт-Петербурджы.
Конкурс ацыд Кочневайы Хæдзары концертон залы. Хуссар Ирыстоны æвзонг музыканттæ ралæууыдысты номинаци "Инструментальное исполнение фортепиано (соло)"-йы.
"Собаты Сабина сæххæст кодта Магкоты Ацæмæзы "Ноктюрн" æмæ Эдвард Григы "В пещере горного короля", Кокойты Стелла та Пол Дезмонды "Take five" æмæ Эдвард Григы "Утро". Сывæллæттæ фыццаг хатт хайад истой ахæм æмвæзады конкурсы, цы ран жюрийы сконды уыдысты Римский Корсаковы номыл консерваторийы профессортæ", - загъта музыкæйы ахуыргæнæг Джыгкайты Алена.
Конкурс цыд 21-31 майы, æмæ уыцы рæстæгмæ дзы хайад райстой 600 хайадисæджы Уæрæсейы алы къуымтæй. Джыгкайты Алена бафтыдта, зæгъгæ, сывæллæттæ райстой лæвар сертификаттæ дæр æхсæнадæмон конкурс "Весеннее настроение 2023"-йы хайад райсынæн, кæцы ацæудзæн Санкт-Петербурджы.
Ног хабӕртты лентӕ
0