Хуссар Иры рауагъдонтӕ Дзӕуджыхъӕуы дӕттынц иумӕйаг паддзахадон фӕлварӕнтӕ

© Sputnik / Павел Лисицын / Ахизын фотобанкмӕИумӕйаг паддзахадон фӕлварӕн
Иумӕйаг паддзахадон фӕлварӕн - Sputnik Хуссар Ирыстон, 1920, 01.06.2022
Бафыссын
Yandex newsTelegram
ЦХИНВАЛ,1 июн — Sputnik, Плиты Фатимӕ. Хуссар Ирыстоны скъолаты рауагъдонты иу къорд дӕттынц иумӕйаг паддзахадон фӕлварӕнтӕ Цӕгат Ирыстоны рауагъдонтимӕ, фехъусын кодтой Sputnik Ахуырады министрады зонады хайад консультант Икъоты Диана.
Фӕсивӕдӕн ацы фадат арӕзт ӕрцыд Цӕгат Ирыстоны министрадимӕ бадзырды фӕрцы.
"Фарон азы кӕрон сарӕзтам хъусинаг, скъолаты рауагъдон кълӕсты ахуырдзаутӕн фадат кӕй ис радтын фӕлварӕнтӕ Цӕагат Ирыстоны. Куырдиӕттӕ ист цыдысты 20-ӕм январы онг. Хъӕппӕрис равдыстой 50 ахуырдзауы, уыдон сты горӕты ӕппӕт скъолатӕй. Ис дзы районты скъолатӕй дӕр", - загъта ахуырады министрады минӕвар.
Уый ма бафиппайда, куырдиӕттӕ чи ратты, уыдон се 'ппӕт кӕй нӕ ацӕуынц фӕлварӕнтӕ дӕттынмӕ.
"Ацы аз ИПФ чи дӕтты, уыдон сты 15 рауагъдоны бӕрц. Дыццӕджы радтой ӕнӕмӕнгхъӕугӕ уырыссаг ӕвзагӕй фӕлварӕн, уыд сын хими, литературӕ ӕмӕ ӕндӕр предметтӕй дӕр", - бафтыдта Икъоты Диана.
Рауагъдонтӕн сӕ фӕлварӕнтӕ ахицӕн уыдзысты 20 июньмӕ.
Ног хабӕртты лентӕ
0