Ирон уæлибыхтæ аскъæфтой æвиппайды: куыд ацыд Националон къæбицы бон Мæскуыйы

Националон къæбицы бон Мæскуыйы
Бафыссын
Yandex newsTelegram
Мæскуыйы æхсæнадæмон ахастыты паддзахадон институты ацыд фестиваль "Националон къæбицы бон". Хайад дзы райста Ирон Фæсивæды Цæдис. Уый фæдыл Sputnik комментарий радта Алайнаг æмбæстагады сæргълæууæг Зассеты Амага.
"Мадзал ацæуы æрвылаз дæр, бирæ адæмыхаттытæ дзы райсынц хайад", - загъта Амага.
Зассеты Амагайы ныхæстæм гæсгæ, мадзал конд уыд æртæ хайæ - официалон хай, къæбиц æмæ фæстагмæ та ауагътой хъазт.
Алайнаг æмбæстагады сæргълæууæг куыд радзырдта, афтæмæй мадзал ацыд бæрзонд æмвæзадыл, хайад дзы райстой Цæгат Кавказæй, Уæрæсейы бирæ регионтæй, афтæ ма фæсарæнтæй дæр.
"Ирон къæбицы цы ссывдтытæ уыдис, уыдон æвиппайды фесты. Æрдæг сахаты фæстæ дзы ницыуал уыдис, афтæ хæрзад фæкастытсы адæммæ æмæ сæ аскъæфтой", - баххæст кодта Амага.
Бæстондæрæй æрмæгмæ хъусут Sputnik Хуссар Ирыстон.
Ног хабӕртты лентӕ
0