Ӕгас Ирыстоны зиан: Цхинвалы фӕстаг хӕрзбон загътой адӕмон артист Харебаты Федорӕн

© Sputnik / Natalia AiriyanЦхинвалы фӕстаг хӕрзбон загътой адӕмон артист Харебаты Федорӕн
Цхинвалы фӕстаг хӕрзбон загътой адӕмон артист Харебаты Федорӕн - Sputnik Хуссар Ирыстон, 1920, 07.06.2022
Бафыссын
Yandex newsTelegram
ЦХИНВАЛ, 7 июн — Sputnik, Плиты Фатимӕ. Цхинвалы фӕстаг хӕрзбон загътой Хуссар Ирыстоны адӕмон артист, цӕгат Ирыстоны сгуыхт артист, режиссер Харебаты Федорӕн.
Фыдохы митинг ацыд, цы бирӕуӕладзыгон хӕдзары цард Мамсырайы фырты уынгыл, уый кӕрты.
Зынгӕ культурон архайӕджы йе 'нусон бынатмӕ афӕндараст кӕнынмӕ ӕрбацыдысты республикӕйы разамынад президент Гаглойты Аланы сӕргълӕудӕй. Стӕй ма сфӕлдыстадон ӕмӕ зонадон интеллигенцийы минӕвӕрттӕ, йӕ бинойнаг Битарты Зояйы коллегӕтӕ. Йӕ дадайы афӕндараст кӕнынмӕ Санкт-Петербургӕй ӕрцыд йӕ иунӕг чызджы чызг дӕр.
© Sputnik / Natalia AiriyanЦхинвалы фӕстаг хӕрзбон загътой адӕмон артист Харебаты Федорӕн
Похороны Федора Харебати - Sputnik Хуссар Ирыстон, 1920, 07.06.2022
Цхинвалы фӕстаг хӕрзбон загътой адӕмон артист Харебаты Федорӕн
Фыдохы митинг йӕ разныхасӕй бакодта бинонты сыхаг, литературӕзонӕг Плиты Сергей.
"Федор уыд сабитимӕ сывӕллон, хистӕртӕн - зондамонӕг", - загъта уый.
Адӕмон артисты зианы организаци ӕмӕ хӕрдзтӕ йӕхимӕ райста паддзахад, уый фӕдыл скодтой сӕрмагонд къамис.
Харебаты Федоры хӕлар, ХИПУ ирон литературӕйы кафедрӕйы сӕргълӕууӕг Плиты Гацыр йӕ раныхасы банысан кодта, ныры дуг кӕй хӕссы бирӕ зиӕнттӕ.
"Уый цъус нӕ рацард, фӕлӕ бирӕ зындзинӕдтӕ бавзӕрста. Йӕ мӕлӕт канд йе 'мкъай Битарты Зояйы ӕмӕ театры зиан нӕу, фӕлӕ ӕгас Ирыстоны", - банысан кодта Плиты Гацыр.
© Sputnik / Natalia AiriyanЦхинвалы фӕстаг хӕрзбон загътой адӕмон артист Харебаты Федорӕн
Похороны Федора Харебати - Sputnik Хуссар Ирыстон, 1920, 07.06.2022
Цхинвалы фӕстаг хӕрзбон загътой адӕмон артист Харебаты Федорӕн
Уый базонгӕ кодта ӕрӕмбырдуӕвджыты адӕмон артисты цардвӕндагимӕ. Райгуырд Харебаты Федор Знауыры районы Исахъы хъӕуы. Стыр бинонтӕ, цы ран хъомыл кодтой 9 сывӕллоны, цардагур ацыдысты Тбилисмӕ. Уым каст фӕцис астӕуккаг скъола, уый фӕстӕ йӕ царды уыд ХИПИ ӕмӕ МХАТ. 1961 азӕй фӕстӕмӕ та артист йӕ цард ӕнгом сбаста театримӕ.
"Бузныг дын, кӕй нын уыдтӕ. Дӕ актёрон хъазт ӕмӕ режиссерон куыст уый бӕрц рӕстӕг уыдысты театры фидынц. Бузныг дын мӕхицӕй дӕр, кӕй мӕ рахизын кодтай сценӕмӕ. Ацы сезон театрыл ӕрцыд бирӕ зиӕнттӕ. Мах уӕ иууылдӕр мысдзыстӕм",- загъта театры аивадон къухдариуӕггӕнӕг Дзудцаты Тамерлан.
Хуссар Ирыстоны адӕмон артист Харебаты Федоры бавӕрдтой Национ пантеоны, цы ран се 'нусон бынат ссардтой Хуссар Ирыстоны номдзыд адӕм.
© Sputnik / Natalia AiriyanЦхинвалы фӕстаг хӕрзбон загътой адӕмон артист Харебаты Федорӕн
Похороны Федора Харебати - Sputnik Хуссар Ирыстон, 1920, 07.06.2022
Цхинвалы фӕстаг хӕрзбон загътой адӕмон артист Харебаты Федорӕн
Ног хабӕртты лентӕ
0