Коцты Егор радзырдта, цӕуыл бадзырдтой Хуссар Ир ӕмӕ Гуырдзыйы делегациты фембӕлд Эргнеты

© Sputnik / Наталья АйриянКоцты Егор
Коцты Егор  - Sputnik Хуссар Ирыстон, 1920, 07.06.2022
Рафыссын
ЦХИНВАЛ, 7 июн — Sputnik, Тъехты Дзерассӕ. Хуссар Ирыстоны цӕрӕн пункт Эргнеты цур дыццӕджы уагъд ӕрцыд Инциденттӕ ма руадзыны ӕмӕ аиуварс кӕныны механизмты (ИӔАМ) форматы фембӕлд. Хуссарирыстойнаг делегацийы сӕргълӕууӕг Коцты Егор куыд радзырдта, афтӕмӕй уӕлдай хъусдард здӕхт ӕрцыд инциденттӕм, кӕцытӕ ӕрцӕуынц гуырдзиаг полицийы ӕмӕ ӕдасдзинады тыхты минӕвӕртты хайадистӕй.
"Хуссар Ирыстоны минӕвӕрттӕ та радон хатт равдыстой се 'нӕразыдзинад, хъӕу Уисты цур гуырдзиаг полици цы ӕнӕзаконон блокпост сӕвӕрдта, уыимӕ. Ацы фарст рахӕссӕм алы фембӕлды дӕр, агурӕм амӕлттӕ йӕ аскъуыддзаг кӕнынӕн. Мах ӕнхъарӕм алыгъуызон къахдзӕфтӕ дӕр, фӕлӕ фыццаг къахдзӕф хъуамӕ суа посты ахаст республикӕйы территорийӕ", - загъта Коцты Егор.
Йӕ ныхӕстӕм гӕсгӕ, иннӕ темӕтӕ иууылдӕр баст сты дыууӕ бӕстӕйы хсӕн паддзахадон арӕны фарстимӕ. Фӕстаг фембӕлдӕй абоны онг 12 арӕнхалӕджы феддӕдуар кодтой фӕстӕмӕ Гуырдзыстоны территоримӕ ӕнӕ иварон санкцитӕй. Ноджы ма цыппары та фӕивар кодтой административон ӕгъдауӕй.
РХИ хицауад - Sputnik Хуссар Ирыстон, 1920, 25.04.2022
Цхинвалы тыхсын кӕны Женеваг дискусситы ӕрурӕд – хуссаирыстойнаг делегацийы разамонӕг
Коцты Егор бафтыдта, радон фембӕлд ИӔАМ форматы кӕй ацӕудзӕн ацы аз 23 сентябры.
"Ахӕм ӕмгъуыд рахастам, уымӕн ӕмӕ ӕрӕмбырд ис тынг бирӕ фарстытӕ, кӕцытӕ хъӕуы аскъуыддзаг кӕнын июль-августы. Фӕлӕ бадзырдтам, ӕмӕ кӕд ӕнӕрадон фембӕлды ӕнӕмӕнгхъӕуӕгдзинад фӕзына, уӕд спайда кӕндзыстӕм "тӕвд линийӕ", - бамбарын кодта делегацийы сӕргълӕууӕг.
Бадзырдты фӕлгӕтты ма дзырд цыд, цӕмӕй журналисттӕ дӕр ногӕй хайад исой фембӕлдты. Коцты Егор равдыста ныфс, ӕмӕ радон фембӕлд кӕй ацӕудзӕн рауӕрӕхгонд форматы.
Ног хабӕртты лентӕ
0