Иуыл рагондӕр ӕрмӕг - 1810 азы суагъӕ: Хуссар Иры паддзахадон архив нысан кӕны йӕ бӕрӕгбон

© Sputnik / Natalia Airiyan Паддзахадон архив
Паддзахадон архив - Sputnik Хуссар Ирыстон, 1920, 09.06.2022
Рафыссын
ЦХИНВАЛ, 8 июн — Sputnik, Плиты Фатимӕ. Хуссар Ирыстоны Централон паддзахадон архив июны нысан кӕны дыууӕ бӕрӕгбоны. Фарастӕм июны банысан кӕнынц ӕппӕтдунеон архивы бон, 24 июны та ацы службӕйӕн республикӕйы ӕрӕвӕрдтой бындур.
"Ацы мӕй нын дыууӕ бӕрӕгбон кӕй ис, уымӕ гӕсгӕ уӕрӕхӕй нысан кӕнӕм 24 июнь - уагдоны сӕвзӕрды бон. 1926 азы арӕзт ӕрцыд Хуссар Ирыстоны архив Централон ӕххӕстгӕнӕг комитеты скъуыддзагӕй. Фыццаг архив арӕзт ӕрцыд Адӕмон рухсады комиссариаты бындурыл", - радзырдта Sputnik паддзахадон архивы хистӕр Уалыты Валентина.
© Sputnik / Natalia Airiyan РХИ паддзахадон архив
Государственный архив Южной Осетии - Sputnik Хуссар Ирыстон, 1920, 09.06.2022
РХИ паддзахадон архив
Ацы аз архивон службӕйыл ӕххӕст кӕны 96 азы. Йӕ куысты рӕстӕджы уый хицӕн афонты уыд ӕндӕр ӕмӕ ӕндӕр уагдӕтты дӕлбар. Абон архив хъахъхъӕны бирӕ куыстуӕттӕы ӕмӕ организациты документаци.

"Архивон гӕххӕттытӕ хынцӕм ӕмӕ сӕ бавӕрӕм. Сӕйраг у документаци бахъахъхъӕнын, фӕлӕ нӕм, хъыгагӕн, ӕппӕт уавӕртӕ нӕй. Хорз уавӕртыл гӕххӕттыты бахъахъхъӕнӕн нымад сты 17-18 градусы ӕмӕ 50 процент та умӕлдзинад", - бафтыдта уый.

Уалыты Валентина ма бафиппайдта, зӕгъгӕ, ныридӕгӕн архайынц, архивӕн цы уавӕртӕ нӕй, уыдон баххӕст кӕныныл.
Уагӕвӕрдмӕ гӕсгӕ, республикӕйы уагдӕтты документаци дарынц фондз азы, стӕй сӕ адӕттынц паддзахадон архивтӕм.
"Уымӕ гӕсгӕ ӕрвылаз нӕ архив баххӕст вӕййы ног ӕрмӕгӕй", - бахахх кодта уагдоны сӕргълӕууӕг.
© Sputnik / Natalia Airiyan РХИ паддзахадон архив
Государственный архив Южной Осетии - Sputnik Хуссар Ирыстон, 1920, 09.06.2022
РХИ паддзахадон архив
Уый ма фехъусын кодта, ивгъуыд азӕй фӕстӕмӕ уагдон кӕй бавнӕлдта сӕ архивон ӕрмӕг цадӕггай цифрӕмӕ ракӕнынмӕ.
"Райдыдтам кусын цифрӕмӕ ракӕныл. Кӕцыдӕр гӕххӕттытӕ сты мӕгуырау уавӕры, уыдонӕй иууыл рагондӕртӕ сты 1810 азы суагъӕтӕ", - балхынцъ кодта уый.
Ног хабӕртты лентӕ
0