https://sputnik-ossetia.com/20220611/tsy-ran-is-fsonrkhg-m-tsy-nysan-kny--17053019.html

Цы ран ис фæсонæрхæг æмæ цы нысан кæны?

Цы ран ис фæсонæрхæг æмæ цы нысан кæны?

Sputnik Хуссар Ирыстон

Ацы дзырдбаст не ‘взаджы тынг цардхъом у, арæх дзы пайда кæнæм, æмæ йын йæ мидис чи не ʻмбары, ахæм ирон адæймаг, æвæццæгæн, нæ разындзæн. Фæлæ дзырдбаст цæмæн... 11.06.2022 мӕ, Sputnik Хуссар Ирыстон

2022-06-11T11:28+0300

2022-06-11T11:28+0300

2022-06-11T11:28+0300

хуссар ирыстоны

радио иронау

зонад

https://cdnn1.img.sputnik-ossetia.ru/img/07e6/06/09/17052843_29:0:1473:812_1920x0_80_0_0_163a7e2880bc4d55055155f17d86e88b.png

Ацы дзырдбаст не ‘взаджы тынг цардхъом у, арæх дзы пайда кæнæм, æмæ йын йæ мидис чи не ʻмбары, ахæм ирон адæймаг, æвæццæгæн, нæ разындзæн. Фæлæ дзырдбаст цæмæн æмæ цы хуызы равзæрд? Филологон зонæдты доктор Гæбæраты Никъала ныммыхуыр кодта сæрмагонд уац "Йæ фæсонæрхæджы дæр нæй". Ахуыргонд бацархайдта ацы дзырдбасты равзæрды гуырæн бацагурыныл. Иртасæджы размæ сыстад фыццаг фарст: цы амоны дзырд фæсонæрхæг? Бирæ æрмæджытæ æрхаста ахуыргонд, фæлæ, æнхъæлдæн, фаг уырнинаг нæ рауад йæ фыццаг хатдзæг: "...фæсонæрхæг хъуамæ амыдтаид, дыууæ оны астæу цы æлхынцъ ис, цы дзыхъхъ ис, уый".Рæдыд хъуыдыйыл æмбæлæм "ирон-уырыссаг дзырдуаты" дæр: "фæсонæрхæг – углубление между лопатками".Ахуыргонды хъуыдымæ гæсгæ, дыууæ оны астæу цы дзыхъхъау ис, уый у адæймаджы буары æппæты дарддæр ран æмæ уый бындурыл аразы ахæм йæ фæсонæрхæджы дæр нæй, зæгъгæ, уæд уый нысан кæны афтæ, æмæ исты хъуыды адæймагæн йæ сæры нæ, фæлæ, æгæрыстæмæй, йæ онты астæу цы иппæрд дзыхъхъ ис, уыцы "дард" æмæ зынбафтæн бынаты дæр нæй".Æндæр ныхæстæй дзургæйæ, йæ оны кæройнаг хайы æдде дæр нæ уыд цавæрдæр фæнд, кæнæ хъуыды. Фæлæ ацы даргъ ныхæстæ фыдæлтæ дзырдтой цыбырæй: "Йæ фæсонæрхæджы дæр нæй".Гæбæраты Никъалайы чиныг "Афтæ цæмæн дзурæм"-мæ гæсгæ.Бæтондæрæй æрмæгмæ хъусут Sputnik Хуссар Ирыстоны.

2022

ног хабӕрттӕ

os_OS

хуссар ирыстоны, радио иронау , зонад, аудио