"Низ нал ис": хуыты африкӕйаг емынӕ ныууагъта Хуссар Ирыстоны

CC0 / Pixabay / Поросята на ферме
Поросята на ферме - Sputnik Хуссар Ирыстон, 1920, 14.06.2022
Бафыссын
Yandex newsTelegram
ЦХИНВАЛ, 14 июн — Sputnik, Плиты Фатимӕ. Хуссар Ирыстоны африкӕйаг емынӕйы фӕдыл уавӕр ӕрнывыл, низ республикӕйы ныр дыккаг мӕй нал ис, фехъусын кодта Югоссельхознадзоры хистӕр Гуыцмӕзты Маирбег.
Ивгъуыд аз Хуссар Ирыстоны районты апарахат ис африкӕйаг емынӕ. Эпидеми ныццагъта бирӕ хъӕуты хуыйы мыггаг.

"Уавӕр у стабилон. Ӕппӕт тобӕтӕ ист ӕрцыдысты, фӕлӕ ветеринарон службӕтӕ уӕддӕр сӕ хъус дарынц хабармӕ", - загъта уый.

Йӕ ныхӕстӕм гӕсгӕ, фӕстаг хатт ма низ сбӕлвырд ис Знауыры районы дыууӕ мӕйы размӕ.
"Апрелы райдайӕны ма фӕстаг хатт сбӕлвырд кодтам африкӕйаг емынӕ. Фӕлӕ уый фӕстӕ дӕр ӕдзух арвитӕм ӕрмӕг ахуырмӕ. 22 майы анализтӕ дӕр равдыстой хорз хатдзӕгтӕ. Низ нал ис", - бахахх кодта уый.
Африкӕйаг емынӕ - Sputnik Хуссар Ирыстон, 1920, 28.01.2022
Знауыры районы ногӕй фӕзынд хуыты африкӕйаг емынӕ
Ног хабӕртты лентӕ
0