Цхинвалы футболон командӕ хайад исы Цӕгат Иры фыццагады

© Из архива тренера А. КазиеваФутболон командӕ "Барсалан"
Футболон командӕ Барсалан
 - Sputnik Хуссар Ирыстон, 1920, 16.06.2022
Бафыссын
Yandex newsTelegram
ЦХИНВАЛ, 16 июн — Sputnik, Плиты Фатимӕ. Хуссар Ирыстоны футболон командӕ "Барсалан" тох кӕны Цӕгат Ирыстоны фыццагады призтыл 2009 азы гуырд фӕсивӕды хсӕн, фехъусын кодта Sputnik командӕйы тренер Хъазиты Алан.
Турниры фӕлгӕтты "Барсалан" ауагъта ӕдӕппӕт фондз фембӕлды, уыдонӕй ӕртӕ ӕнтыстджын хатдзӕгимӕ. Ивгъуыд къуырийы кӕрон рамбылдта Хъӕдгӕрон ӕмӕ Беслӕны командӕты.
"Фыццагады райдайӕн этап ахицӕн, ныр ӕнхъӕлмӕ кӕсӕм дыккаг этапмӕ. Нӕ фӕсивӕды архайдӕй баззайӕм райгондӕй, ӕрмӕст сын чысыл фӕлтӕрддзинад нӕ фаг кӕны", - загъта тренер.
Йӕ ныхӕстӕм гӕсгӕ, командӕ фылдӕр бӕрцӕй конд у 2010 азы гуырд фӕсивӕдӕй.
"Чысыл кӕстӕр кӕй сты, уый дӕр нӕ къуыхцы кӕны. Фӕлӕ уӕддӕр тырндзыстӕм уӕлахизтӕм, стӕй фыццаг хатт архайӕм 11 хъазӕджы скондӕй", - бафтыдта уый.
Цӕгат Ирыстоны фыццагады ӕмткӕй архайы 15 командӕйы бӕрц.
© Из архива тренера А. КазиеваФутболон командӕ "Барсалан"
Футбольная команда Барсалан
 - Sputnik Хуссар Ирыстон, 1920, 16.06.2022
Футболон командӕ "Барсалан"
Ног хабӕртты лентӕ
0