Хуссар Иры боксертӕ систы Ессентукийы гом турниры призертӕ

© Из архива тренера Александра ЛолоеваХуссар Иры боксертӕ систы Ессентукийы гом турниры призертӕ
Хуссар Иры боксертӕ систы Ессентукийы гом турниры призертӕ - Sputnik Хуссар Ирыстон, 1920, 17.06.2022
Бафыссын
Yandex newsTelegram
ЦХИНВАЛ, 17 июн — Sputnik, Плиты Фатимӕ. Хуссар Ирыстоны Цхинвалы районы Дменисы хъӕуы боксы секцийы хъомылгӕнинӕгтӕ рамбылдтой призон бынӕттӕ Ессентукийы уагъд цӕуӕг гом турниры, фехъусын кодта Sputnik сӕ тренер Лолоты Александр.
Гом ерыстӕ нывонд уыдысты Уӕрӕсейы бонӕн. Хуссар Ирыстонӕй дзы стох кодтой цыппар боксеры.
"Ӕртӕ лӕппуйӕ бацахстой призон бынӕттӕ. Куымӕридтаты Вадим ссис ӕвзист майданы хицау, ӕртыккаг призертӕ та сты Куымӕридтаты Олег ӕмӕ Хацырты Георгий", - загъта тренер.
Дменисы боксы секци у республикӕйы иууыл "ӕвзонгдӕртӕй" иу - скуыста ӕрмӕст ӕртӕ азы размӕ. Цыбыр ӕмгъуыдмӕ фӕсивӕды иу хай рахызтысты турнирты архайыны ӕмвӕзадмӕ. Цӕттӕ кӕныны уавӕртӕ сын скодта ацы хъӕуӕй ацӕугӕ амалиуӕгдар Икъаты Руслан.
"Стыр бузныг мӕ фӕнды зӕгъын Икъаты Русланӕн. Уый фыццаг сарӕзта нӕ фӕсивӕдӕн боксы секцийы хатӕн. Ныр та нын ӕппынӕдзух ӕххуыс кӕны турниртӕм цӕуынӕн", - бафтыдта уый.
Фӕсивӕды цӕттӕ кӕнынц тренертӕ Лолоты Александр ӕмӕ Котолты Бола
Ног хабӕртты лентӕ
0