Къорд кусы хӕхты: "Юг-Телеком"-ы бамбарын кодтой интернеты проблемӕтӕ

CC0 / 3844328 / RouterWi-Fi роутер
Wi-Fi роутер - Sputnik Хуссар Ирыстон, 1920, 17.06.2022
Рафыссын
ЦХИНВАЛ, 17 июн — Sputnik, Плиты Фатимӕ. Хуссар Ирыстоны хӕтӕлон интернет "Юг-Телеком"-ы авари аиуварс кӕныныл архайы кусджыты иу къорд, уыдон сты хӕхты ӕмӕ семӕ бастдзинад нӕй, фехъусын кодтой Sputnik компанийы.
Интернеты куыст ӕрлӕууыд цыппӕрӕмы боны дыууӕ сахатмӕ ӕввахс. Уӕд уагдоны бамбарын кодтой, авари кӕй 'рцыд Алагир ӕмӕ Зӕрӕмӕджы ӕхсӕн.
"Къорд ацыд аварийы бынат сбӕлвырд кӕнын ӕмӕ аиуварс кӕнынмӕ. Кусӕгон къорд ис хӕхты ӕмӕ семӕ бастдзинад нӕй, уымӕ гӕсгӕ нӕ бон нӕу фидарӕй зӕгъын, кӕд скусдзӕн интернет", - загътой уагдоны.
Хӕтӕлон интернет "Юг-Телеком"-ы лӕггӕдтӕй пайда кӕнынц Хуссар Ирыстоны столицӕ ӕмӕ ӕввахс хъӕуты.
Ног хабӕртты лентӕ
0