Хуссар Иры цæттæ кæнынц рауагъдон балмæ

© Sputnik / Natalia Airiyan Рауагъдон бал
Рауагъдон бал - Sputnik Хуссар Ирыстон, 1920, 20.06.2022
Бафыссын
Yandex newsTelegram
ЦХИНВАЛ, 20 июн — Sputnik, Гæбæраты Элина. Хуссар Ирыстоны скъолаты айзæлд фæстаг дзæнгæрæг, ахуырдзаутæ радтой рауагъдон фæлварæнтæ дæр. Ныр та зноны скъоладзаутæм æнхъæлмæ кæсы рауагъдон бал, кæцы ацæудзæн 23 июны Цхинвалы Театралон фæзуатыл.
Организатортæ куыд банысан кодтой, афтæмæй бал уыдзæн егъау. Мадзал æрæмбырд кæндзæн 500-йæ фылдæр рауагъдоны, афтæ ма горæты æмæ районты сæдæмæ æввахс ахуыргæнæджы.
Мадзалмæ цæттæкæнынад æмæ ауадзыныл архайы Сывæллæтты сфæлдыстадон галуан.
"Уыдзæн дзы традицион сырх фæндаг, концерт Хуссар æмæ Цæгат Ирыстоны артистты хайадистæй, афтæ ма дискотекæ. Уымæй дарддæр махæн ис чысыл сюрпризтæ рауагъдонтæн", - радзырдта Сывæллæтты сфæлдыстадон галуаны директоры хæдивæг Æрсойты Зæринæ.
Йæ ныхæстæм гæсгæ, бал адарддæр уыдзæн 3,5 сахаты бæрц.
Бæрæгбонон зæрдæйы уагмæ æнæкæсгæйæ, ныййарджытæ балмæ цæттæ кæныны рæстæджы бахардз кæнынц стыр финансон фæрæзтæ. Чызгæн рауагъдон бал слæудзæн 15 мин сомæй уæлæмæ (дарæс, аксессуартæ æмæ стилисты лæггæдтæ). Лæппуйæн костюм слæудзæн 6-æй 10 мин сомы онг (нымады рæстæджы банысангонд æрцыдысты минималон суммæтæ).
Ног хабӕртты лентӕ
0