Ансамбль "Ирон" райста ӕхсӕнадӕмон фестивалы Гран-при Сочийы

© Sputnik / Фатима ПлиеваАнсамбль "Ирон"
Ансамбль Ирон - Sputnik Хуссар Ирыстон, 1920, 21.06.2022
Бафыссын
Yandex newsTelegram
ЦХИНВАЛ, 21 июн — Sputnik, Плиты Фатимӕ. Цхинвалы администрацийы дӕлбар сывӕллӕтты хореографион къорд "Ирон" райста XVII-ӕм ӕхсӕнадӕмон аивӕдты чемпионаты Гран-при Сочийы, фехъусын кодта Sputnik коллективы аивадон къухдариуӕггӕнӕг Хуыгаты Диана.
"Фестиваль хуыйны "Лазурная волна - Сочи 2022". Мах бавдыстам ӕртӕ кафты - хӕххон, симд ӕмӕ испайнаг кафт. Ӕртӕйӕ дӕр райстам фыццаг бынӕттӕ ӕмӕ иумӕйаг хыгъды Гран-при дӕр", - загъта уый.
Конкурсон кӕфтытӕй кӕд дыууӕ уыдысты национ хореографийы номыртӕ, уӕд ӕртыккаг та уыд фӕсарӕйнаг кафт кавказаг элементтимӕ.
"Мӕ хъуыдымӕ гӕсгӕ, сыгъдӕг испайнаг кафт нӕ уыд, фӕлӕ уыд кавказаг элементтимӕ. Ацы кафт бацӕттӕ кодтам пандемийы рӕстӕджы ӕмӕ йӕ фыццаг хатт бавдыстам Цхинвалы 2021 азы 8 марты. Кафт тынг аив рацыд ӕмӕ нӕ бафӕндыд уый бавдисын конкурсмӕ дӕр", - бахахх кодта Хуыгаты Диана.
Ставрополь - Sputnik Хуссар Ирыстон, 1920, 28.03.2022
Ансамбль "Зилахар" Хуссар Ирӕй ссис иуыл хуыздӕр Ставрополы фестивалы
"Ирон" арӕзт ӕрцыд 2009 азы паддзахадон ансамбль "Симд"-ы дӕлбар. Ныридӕгӕн уӕвынад кӕны горӕт Цхинвалы администрацийы цур. Ирон националон хореографийыл ам цайдагъ кӕныц сабитӕ фондз азӕй фӕстӕмӕ. Архайы дзы ӕртӕ кары къорды сывӕллӕттӕ.
Ног хабӕртты лентӕ
0