Коцты Тамерлан: хуссарирыстойнаг богал фыццаг хатт рахӕцдзӕн Уӕрӕсейы чемпионаты

Коцты Тамерлан: хуссарирыстойнаг богал фыццаг хатт хӕцы Уӕрӕсейы чемпионаты
Бафыссын
Yandex newsTelegram
Республикӕ Тывайы цӕуы Уӕрӕсейы чемпионат уӕгъдибар хъӕбысхӕстӕй, цы ран хайад райсдзӕн хуссарирыстойнаг богал Бестауты Андрей. Йӕ тренер Коцты Тамерлан куыд загъта, уымӕ гӕсгӕ ӕвзонг спортсмен фыццаг хатт хӕцы ахӕм турниры.
"Бирӕ рӕстӕг нӕ тренировкӕ кодта Андрей травмӕты аххосӕй, ныр йӕ уавӕр фӕхуыздӕр ис ӕмӕ рахӕцдзӕн. Ӕвзонг лӕппуйӕн ахӕм ерыстӕ сты фӕлтӕрддзинад", - загъта Коцты Тамерлан.
Тренеры ныхӕстӕм гӕсгӕ, республикӕйы бырӕ курдиатджын фӕсивӕд ис, кӕцытӕн сӕ бон у стыр ӕмвӕзадмӕ схизын.
"Фӕстаг хатт ма Лалыты ӕфсымӕртӕ схуызтысты ахӕм ӕмвӕзадмӕ, ӕмӕ уыдон куы ныууагътой сӕ спорт, уӕдӕй фӕстӕмӕ нӕм нырма ахӕм къӕпхӕнмӕ ничи схызт. Фӕлӕ нӕм ис ахӕм лӕппутӕ, кӕцытӕ куы бакусой, уӕд стыр бӕрзӕндтӕ бацахсдзысты", - банысан кодта Тамерлан.
Хорз богал схъомыл кӕнынӕн рӕстӕг хъӕуы, бафиппайдта Коцты Тамерлан "ӕмӕ нын ӕнтысгӕ дӕр кӕны".
Ног хабӕртты лентӕ
0