Цхинвалы ногæй ацæудзæн къамты конкурс "Хуссар Ирыстон – 2022"

© Sputnik / Александра АлбороваБилурта
Билурта - Sputnik Хуссар Ирыстон, 1920, 24.06.2022
Бафыссын
Yandex newsTelegram
ЦХИНВАЛ, 24 июн – Sputnik, Гæбæраты Элина. Хуссар Ирыстоны адæмон сфæлдыстады центр культурæйы министрадимæ иумæ ауадздзæн къамты VII республикон конкурс "Хуссар Ирыстон – 2022". Мадзал ацæудзæн 10 августы Анахарсисы номыл Республикон библиотекæйы.
"Куырдиæттæ ист цæудзысты 2022 азы 1 августы онг. Конкурсы нысан у республикæйы цæрджыты сфæлдыстад райтынг кæнын. Конкурсы хайад райсыны фадат уыдзæн хæдахуыр къамисджытæн", - радзырдта Sputnik центры пресс-секретарь.
Конкурсы хайадист у æнæаргъ. Конкурсы фæлгæтты ис дыууæ номинацийы – "Пейзаж" æмæ "Хуссар Ирыстон цæсгæмтты".
"Къамтæ гæнæн ис уой оригиналон бæрц, фæлæ А4 форматæй къаддæр хъуамæ ма уой. Нæй гæнæн пайда кæнын къамтæй, кæцытæ систой Интернетæй. Къамтæм ма хъæудзæн бавæрын конкурсы хайадисæджы анкетæ", - бафтыдта уый.
Хайадисæг ма хъуамæ æнæмæнг бацæттæ кæна алкæцы куыстæн дæр фыстæг, цы ран уыдзысты куысты ном, съемкæйы датæ æмæ авторы тыххæй бæрæггæнæнтæ.
Къамты конкурсы уæлахиздзауты хорзæхкæныны церемони ацæудзæн 26 августы Хетæгкаты Къостайы цыртдзæвæны раз.
Ног хабӕртты лентӕ
0