Хуссар Иры Дзауы районы уазджытӕ баззадысты ӕрдзон бӕллӕхы ахӕсты

© Photo : Пресс-служба правительства Южной ОсетииТуалгом
Туалгом - Sputnik Хуссар Ирыстон, 1920, 27.06.2022
Бафыссын
Yandex newsTelegram
ЦХИНВАЛ, 27 июн — Sputnik, Плиты Фатимӕ. Хуссар Ирыстоны Дзауы районы Урс Туалгомы тӕрккъӕвдатӕ алыг кодтой фӕндагон бастдзинад район центр ӕмӕ ӕмткӕй дунеимӕ.
Ӕрдзон бӕллӕхы ахӕсты бахаудтой канд бынӕттон цӕрджытӕ нӕ, фӕлӕ ма уазджытӕ дӕр. Згъуыбиры хъӕумӕ бацӕуӕны донивылдтӕ фӕластой фӕндӕгтӕ, ацы ком иууыл тынгдӕр бахъыгдард ис. Сӕрмагонд службӕтӕ кусынц фӕндагон бастдзинад ӕххӕстӕй сӕндидзын кӕныныл.
"Мах бацыдыстӕм Дауджыты кувӕн бонтӕ нысан кӕнынмӕ ӕмӕ бахаудтам ӕрдзы ахӕсты. Не 'хсӕн сабитӕ дӕр, фӕлӕ тыхст ницӕмӕй стӕм. Ӕрмӕст нӕ уазджытӕй иуӕн йӕ билеттӕ сӕфынц", - загъта Урстуалты уазджытӕй иу Абайты Эдгар.
Уый ма бафтыдта, фӕндагон бастдзинад цадӕггай ӕндидзын кӕнынц.
"Фӕндаг расыгъдӕг кодтой, фӕлӕ дзы нырма ӕппӕт хӕдтулгӕтӕ нӕ рахиздзысты, уый тыххӕй ӕнхъӕлмӕ кӕсӕм. Тыхсгӕ ницӕмӕй кӕнын", - бафтыдта уый.
Ног хабӕртты лентӕ
0