Хуссар Иры Урстуалтӕй ирвӕзынгӕнджытӕ рахизын кӕндзысты хъӕуты цӕрджыты ӕмӕ уазджыты

© Sputnik / Михаил ХасиевДзауы район
Дзауы район - Sputnik Хуссар Ирыстон, 1920, 29.06.2022
Бафыссын
Yandex newsTelegram
ЦХИНВАЛ, 29 июн – Sputnik, Плиты Фатимӕ. Хуссар Ирыстоны Уӕлвӕткон уавӕрты министрад уадзы ирвӕзынгӕнӕн операци Дзауы районы Згъуыбиры хъӕуы, фехъусын кодтой Sputnik УУМ радгӕсон службӕйы.
Згъуыбиры цӕугӕдоны сӕртыл хид фӕласта донивылд тӕрккъӕвдайы фӕстиуӕгӕн. Доны фаллаг фарс баззадысты Урстуалты уазджытӕ ӕмӕ хъӕуты цӕрджытӕ.
"Нӕ информацимӕ гӕсгӕ дзы ис 25 адӕймаджы, сӕ нымӕцы дӕс сты хъӕуы уазджытӕ. Уӕлвӕткон уавӕрты къорд ацыд бынатмӕ. Адӕмӕй, кӕй бафӕнда, уыдон се 'ппӕт дӕр ӕрӕмбырд уыдзысты доны фаллаг фарс", - загътой радгӕсон службӕйы.
Уымӕй размӕ, ма ацы комӕй Уӕлвӕткон уавӕрты уагдон рахизын кодта 12 адӕймаджы.
Ног хабӕртты лентӕ
0