https://sputnik-ossetia.com/20220630/farn-rtsydi-tsy-nykhkhus-stut-17395257.html
Фарн æрцыди, цы ныхъхъус стут!
Фарн æрцыди, цы ныхъхъус стут!
Sputnik Хуссар Ирыстон
Адæмы миддунейы стырдзинад равдисынæн иу дзырд дæр фаг у. Ирон адæммæ уыцы диссаджы дзырдтæй иу фарн у. Дард ауагъта йæ æнæнымæц къабæзтæ, хæссы стыр æмæ... 30.06.2022 мӕ, Sputnik Хуссар Ирыстон
2022-06-30T17:46+0300
2022-06-30T17:46+0300
2022-06-30T17:46+0300
хуссар ирыстоны
радио иронау
зонад
https://cdnn1.img.sputnik-ossetia.ru/img/07e6/06/1c/17395099_29:0:1473:812_1920x0_80_0_0_4f7096c3d8be158ecada399ff03af07f.png
Фарн æрцыди, цы ныхъхъус стут!
Sputnik Хуссар Ирыстон
Фарн æрцыди, цы ныхъхъус стут!
Адæмы миддунейы стырдзинад равдисынæн иу дзырд дæр фаг у. Ирон адæммæ уыцы диссаджы дзырдтæй иу фарн у. Дард ауагъта йæ æнæнымæц къабæзтæ, хæссы стыр æмæ вазыгджын мидис, цымыдис æфтауы, лæмбынæг æм чи æркæсы, уыдонæй алкæуыл дæр. Æндæр æвзæгты иу дзырдæн дæр ахæм стыр мидис нæй. Æмæ уый дзурæг у ирон адæмы цардыуаг, зонд æмæ хъуыдыйы фæзилæнтыл, стæй ирон æвзаджы æнахуыр фæрæзтыл дæр.Цымыдисаг у уый дæр, æмæ фарн ис алцæмæн дæр. Æрмæст мæгуырау исты ма уæд, уый йеддæмæ. Фарн æвзæрдзинадимæ ницы хуызы фидауы. Фарн у æрмæстдæр хорзы нысан. Табу дæр ын уымæн кæнынц. Мæнæ æвæджиау бирæ цæвиттонтæй иу цалдæр: æрдзы фарн, бæсты фарн, зæххы фарн, изæры фарн, хæдзары фарн, мыггаджы фарн, уазæджы фарн, бынаты фарн, агъуысты фарн, боны фарн, фынджы фарн.Абстрактон у фарны мидис. Алы цæвиттоны йын уымæн ис хицæн нысаниуæг... Амонд, хорздзинад, цины уац, бæллиц, уæларвон тых, цыдæр бардуаг, царды ныфс... Цасфæнды фæнымайæм, уæд дæр кæронмæ нæ бабæлвырд кæндзыстæм фарны стыр мидис.Зæгъынц, фарн, дам, равзæрдис дзырд хур-æй. Хуры æмдых у нæ ирон фарн. Дыгурмæ цуанонты ‘взаджы фарн абон дæр нысан кæны хур.Цард фарнæй у. Фарн кæм ис, цард дæр уым вæййы. Фарн кæм ис, уым ис амонд, зæрдæрухс, бæркад, зард, худт, цины хъæлæба. Уымæн фæкæнынц: "Фарн æрцыди, цы ныхъхъус стут!".Гæбæраты Никъалайы чиныг "Афтæ цæмæн дзурæм"-мæ гæсгæ.Бæстондæрæй хъусут Sputnik Хуссар Ирыстоны.
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
2022
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
ног хабӕрттӕ
os_OS
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
хуссар ирыстоны, радио иронау , зонад, аудио
хуссар ирыстоны, радио иронау , зонад, аудио
Адæмы миддунейы стырдзинад равдисынæн иу дзырд дæр фаг у. Ирон адæммæ уыцы диссаджы дзырдтæй иу фарн у. Дард ауагъта йæ æнæнымæц къабæзтæ, хæссы стыр æмæ вазыгджын мидис, цымыдис æфтауы, лæмбынæг æм чи æркæсы, уыдонæй алкæуыл дæр. Æндæр æвзæгты иу дзырдæн дæр ахæм стыр мидис нæй. Æмæ уый дзурæг у ирон адæмы цардыуаг, зонд æмæ хъуыдыйы фæзилæнтыл, стæй ирон æвзаджы æнахуыр фæрæзтыл дæр.
Цымыдисаг у уый дæр, æмæ фарн ис алцæмæн дæр. Æрмæст мæгуырау исты ма уæд, уый йеддæмæ. Фарн æвзæрдзинадимæ ницы хуызы фидауы. Фарн у æрмæстдæр хорзы нысан. Табу дæр ын уымæн кæнынц. Мæнæ æвæджиау бирæ цæвиттонтæй иу цалдæр: æрдзы фарн, бæсты фарн, зæххы фарн, изæры фарн, хæдзары фарн, мыггаджы фарн, уазæджы фарн, бынаты фарн, агъуысты фарн, боны фарн, фынджы фарн.
Абстрактон у фарны мидис. Алы цæвиттоны йын уымæн ис хицæн нысаниуæг... Амонд, хорздзинад, цины уац, бæллиц, уæларвон тых, цыдæр бардуаг, царды ныфс... Цасфæнды фæнымайæм, уæд дæр кæронмæ нæ бабæлвырд кæндзыстæм фарны стыр мидис.
Зæгъынц, фарн, дам, равзæрдис дзырд хур-æй. Хуры æмдых у нæ ирон фарн. Дыгурмæ цуанонты ‘взаджы фарн абон дæр нысан кæны хур.
Цард фарнæй у. Фарн кæм ис, цард дæр уым вæййы. Фарн кæм ис, уым ис амонд, зæрдæрухс, бæркад, зард, худт, цины хъæлæба. Уымæн фæкæнынц: "Фарн æрцыди, цы ныхъхъус стут!".
Гæбæраты Никъалайы чиныг "Афтæ цæмæн дзурæм"-мæ гæсгæ.
Бæстондæрæй хъусут Sputnik Хуссар Ирыстоны.
