Цхинвалы æртыккаг хатт ацæудзæн хæдахуыр театрты фестиваль "Весь мир – театр"

© Sputnik / Наталья АйриянПаддзахадон драмон театр
Паддзахадон драмон театр - Sputnik Хуссар Ирыстон, 1920, 30.06.2022
Бафыссын
Yandex newsTelegram
ЦХИНВАЛ, 30 июн – Sputnik, Гæбæраты Элина. Хæдахуыр театрты фестиваль-конкурс "Весь мир – театр" ногæй ацæудзæн Хуссар Ирыстоны, хъусын кæны Культурæйы министрады дæлбар адæмон сфæлдыстады республикон центр.
Фестивалы хайадисджытæ суæвыны фадат ис хистæр æмæ фæсивæдон хæдахуыр коллективтæн.
"Хайад райсынмæ хуынд цæуынц алыхуызон жанртæ æмæ здæхтты театралон коллективтæ: цыфæнды уагдоны сфæлдыстадон коллективтæ кæнæ професссионалон театрты цур сывæллæтты студитæ æмæ бинонты театртæ", - радзырдта Sputnik центры пресс-секретарь.
Йæ ныхæстæм гæсгæ, спектаклы хайадисджыты нымæц хъуамæ 12 адæймагæй фылдæр ма уа, ифтонггарзæн та хъуамæ фадат уа аласын æмæ сæвæрын сценæйыл.
"Жанрон арæнæвæрдтæ нæм нæй: драма, комеди, трагеди, мюзикл, литералоон-музыкалон композици, музыкалон-хореографион композици. Фæлæ спектаклы сюжет æнæмæнг ист хъуамæ æрцæуа Нарты кадджытæй", - банысан кодтой уагдоны.
Спектаклы хъуамæ сахатæй фылдæр ма цæуа, æндæр формæтæ та 30 минутæй фылдæр хъуамæ ма уой.
Фестивалы нысæнттæ сты театралон аивады райрæзт, сфæлдыстадон фæлтæрддзинады баивды уавæртæ саразын æмæ æрбаиу кæнын ирон культурæйы хæзнатæм.
"Куырдиæттæ бадæттын фадат ис 20 ноябры онг ахæм адресмæ: rcnt.ruo@list.ru. Лæмбынæгдæр конкурсы хайадисты тыххæй гæнæн ис базонын центры официалон фарсытыл, кæнæ та бацæуын офисмæ", - бахахх кодтой адæмон сфæлдыстады республикон центры.
Фестиваль-конкурсы хуыздæр спектаклтæ равдисдзысты Хуссар Ирыстоны Паддзахадон драмон театры сценæйыл.
Ног хабӕртты лентӕ
0