Дзауы районы ЦКХ хистӕр радзырдта, куыд иуварс цӕуынц донивылдты фӕстиуджытӕ

© PhotoДзауы районы донивылдты фӕстиуджытӕ
Дзауы районы донивылдты фӕстиуджытӕ - Sputnik Хуссар Ирыстон, 1920, 04.07.2022
Бафыссын
Yandex newsTelegram
ЦХИНВАЛ, 4 июл – Sputnik, Плиты Фатимӕ. Хуссар Ирыстоны Дзауы районы аиуварс кодтой донивылдты фӕстиуджытӕ, фехъусын кодта Sputnik районы цӕрӕнуатон-коммуналон хӕдзарады хистӕр Цхуырбаты Тамерлан.
Йӕ ныхӕстӕм гӕсгӕ, бӕрзонд хӕххон хъӕутӕм бацӕуӕн ис, фӕлӕ ӕппӕт хӕдтулгӕтӕ нӕ цӕуынц.
"Нӕ фыццаг хӕс уыд адӕмы эвакуаци ӕрдзон бӕллӕхы бынатӕй ӕмӕ фӕндагон бастдзинад сног кӕнын. Уый нын бантыст саразын, фӕлӕ хӕххон хъӕутӕм нырма фӕндӕгтӕ ӕмбӕлон уагыл не сты", - загъта уый.
Уый ма бамбарын кодта, донивылдтӕ канд фӕндӕгтӕ нӕ фӕластой, фӕлӕ ма бахъыгдардтой хидтӕ дӕр.
"Бӕрзонд хӕххон хъӕутӕ Цъыру, Чеселт, Къусджыты ӕмӕ Мугутмӕ фӕндӕгты хъӕуы капиталонӕй цалцӕг", - бахахх кодта уый.
Ленингоры районы иуварс кæнынц æрдзон бæллæхы фæстиуджытæ - Sputnik Хуссар Ирыстон, 1920, 29.06.2022
Ленингоры районы иуварс кæнынц æрдзон бæллæхы фæстиуджытæ
Иууыл стырдӕр зиан тӕрккъӕвдатӕ ӕрхастой Урстуалгомӕн.
"Згъуыбиры донхосгӕнӕндоны цур иууылдӕр аласта хид. Ноджы ма комы мидӕгдӕр бахъыгдардта ӕртӕ хиды, уыдон бахъӕудзӕн демонтаж кӕнын ӕмӕ ногӕй сӕвӕрын", - загъта ЦКХ хистӕр
Нахуыр тӕрккъӕвдайы фӕстиуӕгӕн Леуахийы доны ӕмвӕзад критикон бӕрӕггӕнӕнтӕм схызт, ранӕй-рӕтты фӕивта йӕ донвӕд ӕмӕ скалд йӕ былтӕй.
"Август нымад цӕуы иууыл донцух мӕйыл, уымӕ гӕсгӕ уӕдмӕ нывӕндӕм Леуахийы донбылгӕрӕттӕ сфидар кӕнын ӕмӕ донвӕд рауӕрӕх кӕнын. Аразинаг ис дыууӕ километры бӕрц Къусджыты хъӕуӕй ӕфсӕддон базӕйы онг", - бахахх кодта Цхуырбаты Тамерлан.
Йӕ хъуыдымӕ гӕсгӕ, донивылдты фӕстиуджытӕ ӕххӕстӕй аиуварс кӕнынӕн бахъӕудзӕн республикон разамынды ӕмархайд.
© PhotoДзауы районы донивылдты фӕстиуджытӕ
Последствия паводков в Дзауском районе - Sputnik Хуссар Ирыстон, 1920, 04.07.2022
Дзауы районы донивылдты фӕстиуджытӕ
Ног хабӕртты лентӕ
0