Хуссар Иры фӕбӕрӕг сты хуыздӕр ӕрыгон командӕтӕ футболӕй

© Из личного архива тренера Ю.КокоеваХуссар Иры фӕбӕрӕг сты хуыздӕр ӕрыгон командӕтӕ футболӕй
Хуссар Иры фӕбӕрӕг сты хуыздӕр ӕрыгон командӕтӕ футболӕй - Sputnik Хуссар Ирыстон, 1920, 04.07.2022
Рафыссын
ЦХИНВАЛ, 4 июл — Sputnik, Плиты Фатимӕ. Футболӕй ерыстӕ "Сӕрак пурти"-йы фӕлгӕтты хистӕр ӕмӕ кӕстӕр къордты уӕлахиздзаутӕ систы Барсаланты дыууӕ командӕ, фехъусын кодта Sputnik футболы тренертӕй иу Кокойты Юрий.
Ӕрвылазон ерыстӕ "Сӕрак пурти"-йы хъӕзтыты архайдтой дӕс командӕйы столицӕ ӕмӕ республикӕйы ӕртӕ районӕй. Ерыстӕ цыдысты дыууӕ хицӕн азы категориты 2009-2010 ӕмӕ 2011-2012 азты гуырд футболистты хсӕн.
"Хистӕр къорды (2009-2010) уӕлахиздзау ӕмӕ дыккаг призертӕ систы Хъазиты Аланы дыууӕ командӕ Барсалантӕ. Ӕртыккаг призер та ссис тренер Бекъойты Булаты къорд "Фӕранк", - загъта Кокойты Юрий.
Кӕстӕр къорды ерысты уӕлахиздзау ссис Кокойты Юрийӕн йӕхи командӕ "Барсалан". Дыккаг призон бынат бацахста Бекъойты Булаты "Фӕранк" ӕмӕ ӕртыккаг призер та у Хъазиты Аланы "Барсалан".
"Иумӕйагӕй сисгӕйӕ хорз ацыдысты ерыстӕ. Уыд дзы егъау конкуренци, азарт ӕмӕ сӕйраг та ӕнӕ травмӕтӕй", - бахахх кодта уый.
© Из личного архива тренера Ю.КокоеваХуссар Иры фӕбӕрӕг сты хуыздӕр ӕрыгон командӕтӕ футболӕй
Финал турнира Кожаный мяч  - Sputnik Хуссар Ирыстон, 1920, 05.07.2022
Хуссар Иры фӕбӕрӕг сты хуыздӕр ӕрыгон командӕтӕ футболӕй
Ног хабӕртты лентӕ
0