Плиты Иссæйæн бакодтой цырт Башкирийы

© Sputnik / РИА Новости / Ахизын фотобанкмӕПлиты Иссæ
Плиты Иссæ - Sputnik Хуссар Ирыстон, 1920, 05.07.2022
Бафыссын
Yandex newsTelegram
ЦХИНВАЛ, 5 июл – Sputnik. Советон Цæдисы дыууæ хатты Хъайтар, Монголийы адæмон республикæйы Хъайтар Плиты Иссæйæн Башкирийы бакодтой цырт, хъусын кæны 15 регион.
"Мемориалон композици арæзт æрцыд Иглинаг районы хъæу Улу-Телякы æфсымæрон адæмты хъайтарты кады Аллейы. Йæ саразыны хъæппæрис равдыста Башкирийы цæрæг Хасан Идиятуллин. Композици конд у 30 цыртæй", - дзырдæуы хъусинаджы.
Плиты Иссæ у дунейы иууыл номдзыддæр æфсадфæтæгтæй иу. Уымæн цыртытæ ис канд йæ райгуырæн бæстæ Ирыстоны алы къуымты нæ, фæлæ ма Уæрæсейы хицæн горæтты æмæ дунейы æндæр бæстæты. Сæ нымæцы Монголи æмæ Куба.
Номдзыд æфсæддонæн йæ юбилеймæ Хуссар Ирыстоны Национ банк рауагъта æзгъæр æхца. Плиты Иссæйы ном Цхинвалы хæссынц уынг æмæ фарастæм скъола. Кады Аллейы Цхинвалы аннæ хъайтарты цур уымæн ис цырт.
Советон æфсадфæтæг Плиты Иссӕ райгуырд 1903 азы. 1936 азы къухдаириуӕг кодта Монголы республикӕйы революцион ӕфсады иумӕйаг ӕфсӕддон скъолайӕн. Советон цæдисы дыууæ уæлдæр хорзæхæй дарддæр ма у Монголийы адæмон республикæйы Хъайтар дæр.
Ног хабӕртты лентӕ
0