Ирыстойнаг каратисттæ рамбылдтой 18 хорзæхы æппæтуæрæсейон ерысты

© Photo : Пресс-служба Минспорта РСО-АланияИрыстойнаг каратисттæ рамбылдтой 18 хорзæхы æппæтуæрæсейон ерысты
Ирыстойнаг каратисттæ рамбылдтой 18 хорзæхы æппæтуæрæсейон ерысты - Sputnik Хуссар Ирыстон, 1920, 06.07.2022
Бафыссын
Yandex newsTelegram
ЦХИНВАЛ, 6 июл – Sputnik. Цæгат Ирыстоны командæ æнтыстджын архайд скодта Æппæтуæрæсейон ерысты каратэйæ "Кубок Каспия". Ирон спортсментæ рамбылдтой 18 хорзæхы. Уый тыххæй хъусын кæны республикæйы спорты министрады пресс-службæ.
Хистæр кары спортсменты хсæн чемпионтæ ссисты: Гаглойты Сæрмæт, Борадзаты Камила, Гæджиты Снежана æмæ Цораты Илина.
Æвзист майдантæ рамбылдтой Гаглойты Амынæт æмæ Æмбалты Даниелла. Афтæ ма хистæр кары командæ райстой æхсæз бронзæйон хорзæхы, кæцытæ рамбылдтой: Азиты Хасан, Маргарита Карепова, Виктория Бубликова, Коцты Алана, Гæджиты Диана, Алина Лель.
Калоты Кира схызт кады пьедесталы фыццаг къæпхæнмæ сывæллæтты хсæн ерысты.
Бронзæйон майдантæ райстой: Томайты Руслан, Бекмузарты Артур, Темырты Константин, Челдиты Елена æмæ Судахолова Софья.
Ног хабӕртты лентӕ
0