Дзауы районы срӕвдз кодтой фӕндагон бастдзинад Къозы цадмӕ

© Sputnik / Наталья Айриян Къозы цад
 Къозы цад - Sputnik Хуссар Ирыстон, 1920, 11.07.2022
Бафыссын
Yandex newsTelegram
ЦХИНВАЛ, 11 июл – Sputnik, Гӕбӕраты Элина. Хуссар Иры Дзауы районы асыгъдӕг кодтой фӕндаг бӕрзонд хӕххон цад Къозмӕ, фехъусын кодта Sputnik горӕт Къуаисайы мэр Хуыгаты Алан.
Къуырийы бӕрц цад ӕмӕ хъӕумӕ нӕ уыд фӕндаг цъыфы зӕйы рацыды аххосӕй. Абонӕй фӕстӕмӕ республикӕйы цӕрджытӕ ӕмӕ уазджытӕн уыдзӕн фадат цады был сӕ рӕстӕг ӕрвитынӕн.
"Мах асыгъдӕг кодтам фӕндаг цады онг, ӕввахс рӕстӕджы ма йӕ ссыгъдӕг кӕндзыстӕм хъӕумӕ дӕр", - загъта Хуыгаты Алан.
Бӕрзонд хӕххон хъӕу Къоз фыццаг хатт нӕ баззад ӕнӕ фӕндагон бастдзинадӕй. Хуссар Ирыстоны июны цы тӕрккъӕвдатӕ фӕуарыдысты, уыдон ӕрхастой зиан республикӕйы районтӕн, аластой Къозмӕ фӕндаг дӕр. Къуаисайы цыдӕриддӕр сӕрмагонд техникӕ уыд, уыдон иууылдӕр куыстой фӕндагон бастдзинад сӕндидзын кӕныныл.
Ног хабӕртты лентӕ
0