Хуссар Иры ацæудзæн адæмон кафты конкурс "Ирон кафт"

© Sputnik / Ян ГабараевИрон кафт
Ирон кафт - Sputnik Хуссар Ирыстон, 1920, 11.07.2022
Бафыссын
Yandex newsTelegram
ЦХИНВАЛ, 11 июл – Sputnik, Гæбæраты Элина. Хуссар Ирыстоны ацæудзæн адæмон кафты фестиваль-конкурс "Ирон кафт", хъусын кæны РХИ культурæйы министрады дæлбар адæмон сфæлдыстады республикон центр.
Хайад райсынмæ хуынд цæуынц Цхинвал æмæ республикæйы районты хореографион къордтæ, афтæ ма столицæйы хореографион скъола-студитæ.
"Фестиваль уагъд цæуы адæмон хореографийы райрæзт, афтæ ма адæмон кафты традицитæ бавæрыны нысанæн. Ахсджиаг у æрбаздахын адæмы фыдыбæстæйон культурæйы хæзнатæм, сæ сфæлдыстадон активондзинадæн æххуыс кæнын æмæ уавæрты аразын сфæлдыстадон фæлтæрддзинады баивдæн" – радзырдтой центры пресс-службæйы.
Конкурсы хайадист фидар цæуы æрхуындæй, кæцытæ æрвитынц организатортæ æрбацæугæ куырдиæттæм гæсгæ.
"Фестиваль-конкурс "Ирон кафт"-мæ хъæуы бавдисын дыууæ кафты: æнæмæнгхъæугæ – "Зилгæ кафт", кæцыйæн аргъ кæндзæн жюри, æмæ дыккаг кафт та æвзары хайадисæг йæхæдæг. Уый бахæсдзысты æнæконкурсон программæмæ. Программæйы дæргъ хъуамæ 10 минутæй фылдæр ма уа", - банысан кодтой пресс-службæйы.
Фестиваль уагъд цæудзæн ноябры райдайæны, хайадисты фæдыл куырдиæттæ ист цæудзысты 26 октябры онг.
Ног хабӕртты лентӕ
0