https://sputnik-ossetia.com/20220712/gury-gurm-iron-dzyrdty-nysaniudzhyty-fst-17665456.html

Гурæй-гурмæ ирон дзырдты нысаниуджыты фæстæ

Гурæй-гурмæ ирон дзырдты нысаниуджыты фæстæ

Sputnik Хуссар Ирыстон

Иутæ зæгъынц, зæгъгæ, гурæй-гурмæ ницы у, æмæ йын кæд исты нысаниуæг ис, уæддæр гуырæй-гуыр­мæ-йы фæрцы. Иннæтæ цæхгæр хъахъхъæнынц дзырд гурæй-гурмæ æмæ... 12.07.2022 мӕ, Sputnik Хуссар Ирыстон

2022-07-12T12:30+0300

2022-07-12T12:30+0300

2022-07-12T12:30+0300

хуссар ирыстоны

радио иронау

зонад

https://cdnn1.img.sputnik-ossetia.ru/img/07e6/07/0b/17665303_29:0:1473:812_1920x0_80_0_0_82e858465f057b2d66a9356a9d09624a.png

Иутæ зæгъынц, зæгъгæ, гурæй-гурмæ ницы у, æмæ йын кæд исты нысаниуæг ис, уæддæр гуырæй-гуыр­мæ-йы фæрцы. Иннæтæ цæхгæр хъахъхъæнынц дзырд гурæй-гурмæ æмæ фидарæй дзурынц, зæгъгæ, гуы­рæй-гуырмæ кæд исты у, уæддæр æндæр цыдæр у.Дзырд гуырæй-гуырмæ æмбæлы "Ирон-уырыссаг дзырдуаты" æмæ йæ тæлмац кæнынц "по пятам", "по сле­дам". Абайты Вассойы "Уырыссаг-ирон дзырдуаты" та у гурæй-гурмæ ("ходить по пятам").Хуссар Ирыстоны зонадон институты лаборато­рийы картотекæйы разындис, гурæй-гурмæ кæм ис, иу дæс ахæм цæвиттоны. Гуырæй-гуырмæ дзы иу дæр нæй, фæлæ хуссайраг ирон фысджытæй иу цалдæрæй карзæй зæгъынц, дзургæ дæр æмæ фысгæ дæр кæнынц гуы­рæй-гуырмæ.Сæ сæйраг æмæ иумæйаг нысаниуæг у: дзæвгар рæстæджы дæргъы, иугæндзон искæй фæдыл (цæуын). Йæ фæдыл гурæй-гурмæ (кæнæ гуырæй-гуырмæ) цыд, ома, йæ фæдыл бафтыд æмæ йæ уæгъд нал уадзы.Гæбæраты Никъалайы чиныг "Афтæ цæмæн дзурæм"-мæ гæсгæБæстонæй хъусут Sputnik Хуссар Ирыстоны.

2022

ног хабӕрттӕ

os_OS

хуссар ирыстоны, радио иронау , зонад, аудио