Ирон æвзаджы ног дзырдты хуызтæ

Ирон æвзаджы ног дзырдты хуызтæ
Бафыссын
Yandex newsTelegram
Нæ мыхуыры хатгай рауайы быцæу ныхас: афтæ нæ дзурынц, кæнæ ахæм дзырд нæй ирон æвзаджы, зæгъгæ. Мæнæ иу цалдæр цæвиттоны. Нигер: Гоко йе "᾿мго­котæй адард". Дзырд æмгоко арæзт у нæ дзырдаразыны продуктивон моделмæ гæсгæ: æмкусæг, æмбæстаг, æм­бал, æмкъай... Хъодалаты Герсанмæ: Фæткъуы уалдзæджы ʻрцыдæй афтæ схъылындзы и, афтæ – Мин-мин дидин-дзæццытæй Цины худæг ыл баф­тыд.
Дыккаг къордмæ бахæссын хъæуы, Ирыстоны хицæн бынæтты чи æмбæлы, уыцы дзырдтæ. Уыдон диалектон дзырдтæ хонынц, ома уæвынад кæнынц ирон æвзаджы хицæн диалектты: æнцъухын – нуазын, æмæхсæвæджы – тынг раджы, ныббæлæгъ кæнын – ныггом кæнын, ныххæ­лиу кæнын, джиз кæнын – хъыг кæнын, чъырццæ – хус.
Æртыккæгæм къорд, хæрзæрæджы чи фæзынд æмæ уырыссаг дзырд­тæ тæлмац кæныны руаджы æрвылбон чи æфты не ʻвзаг­мæ, уыцы дзырдтæ. Ахæмтæ сты, зæгъæм, æрдæгфи­налон, хæрзарæзтад, æрзæтыссæг, агроамынд, раззагон, æхсæ­надон-политикон, æфсæддон патриотон, æмдзугæнæг, раззагон æмæ æндæртæ. Уыдон дæр тынг бирæ сты.
Цыппæрæм къорд - индивидуалон неоло­гизмтæ. Индивидуалон неологизмтæ, æвæццæгæн, не сты иннæ æртæ къор­ды дзырдты хуызæн актуалон æмæ ахсджиаг: уыдонæй иуæй-иутæ кæд ахизынц нацийы иумæйаг æвзагмæ, уæд сæ фылдæр хай баззайы цæрæнбонтæм, цы уацмысы фæзынынц, уым.
Гæбæраты Никъалайы чиныг "Афтæ цæмæн дзурæм"-мæ гæсгæ.
Бæстонæй хъусут Sputnik Хуссар Ирыстоны.
Ног хабӕртты лентӕ
0