Хуссар Иры дидинтæ сæвæрдтой фидауынгæнæг тыхты æфсæддонты мемориалмæ

© Sputnik / Natalia Airiyan Фидауынгæнæг тыхты æфсæддонты мемориал
Фидауынгæнæг тыхты æфсæддонты мемориал - Sputnik Хуссар Ирыстон, 1920, 14.07.2022
Рафыссын
ЦХИНВАЛ, 14 июл – Sputnik, Гæбæраты Элина. Хуссар Ирыстоны Фидауынгæнæджы боны дидинтæ сæвæрдтой мемориалмæ бæстыхайы раз, цы ран 2008 азы онг уыдысты уæрæсейаг фидауынгæнæг батальоны казармæтæ, кæцытæ ныппырх сты гуырдзиаг агрессийы рæстæджы.
Мысæн мадзалы дыккаг хай ацыд Цхинвалы Фидауынгæнджыты уынгыл стелайы раз. Церемонийы хайад райстой республикæйы æхсæнад æмæ къухдариуæгады минæвæрттæ президент Гаглойты Аланы сæргълæудæй, афтæ ма Уæрæсейы минæварады кусджытæ Марат Кулахметовы сæргълæудæй.
Æмхæццæ тыхтæ баконд æрцыдысты хъаугъайы зонæмæ 1992 азы 14 июлы, Сочийаг бадзырдты бындурыл. Се `сконды уыд æртæ батальоны: Уæрæсейæ, Цæгат Ирыстонæй æмæ Гуырдзыстонæй. Фидауынгæнджытæ сæ мисси æххæст кодтой 2008 азы онг.
2008 азы Гуырдзыстон Хуссар Ирыстонмæ куы æрбабырста, уæд фыццаг цæф сæхимæ райстой уæрæсейаг фидауынгæнджытæ. Уыцы агрессийы дзуаппæн Уæрæсе аскъуыддзаг кодта агрессоры сабырадмæ тыхæй æркæныны операци ауадзын. Фондз боны карз тохты фæстæ гуырдзиаг æфсадыл ахæцыдысты республикæйæ æддæмæ.
Ног хабӕртты лентӕ
0