Плиты Инал: 30 азы размӕ фидауынгӕнӕг тыхтӕ ӕрурӕдтой ирон адӕмы геноцид

Плиты Инал: фидауынгӕнӕн тыхтӕ ӕрурӕдтой ирон адӕмы геноцид
Бафыссын
Yandex newsTelegram
Хуссар Ирыстоны цыппӕрӕмы нысан кӕнынц фидауынгӕнӕджы бон, 30 азы размӕ ӕмхӕццӕ тыхтӕ баконд ӕрцыдысты Сочийы бадзырды бындурыл. Ӕхсӕнадон архайӕг, журналист Плиты Инал куыд радзырдта, уымӕ гӕсгӕ 1992 азы 14 июлы цы фидауынгӕнӕг тыхтӕ ӕрцыдысты Хуссар Ирыстонмӕ, уыдон ӕрурӕдтой ирон адӕмы геноцид.
"Фидауынгӕнӕн тыхтӕ хъаугъа нӕ баурӕдтой, хъаугъа рахызт политикон сферӕтӕм, уыдон баурӕдтой ирон адӕмы геноцид", - загъта Плиты Инал.
Журналисты ныхӕстӕм гӕсгӕ, цӕмӕй фидауынгӕнӕн тыхтӕ ӕрцыдаиккой Хуссар Ирыстонмӕ, уый тыххӕй куыст ӕрцыд куыд политикон, афтӕ практикон ӕмвӕзадыл дӕр.
"Цӕгат ӕмӕ Хуссар Ирыстоны разамынады, ирон адӕмы патриотты ӕмӕ официалон бынӕттӕ чи нӕ ахста, ахӕм бирӕ адӕмты ӕххуысӕй къухы бафтыд, цӕмӕй уал фидауынгӕнӕн тыхтӕ ӕрцӕуой нӕ республикӕмӕ", - банысан кодта Инал.
Уый ма куыд бафиппайдта, афтӕмӕй кӕд уыцы рӕстӕджы Гуырдзыстоны къухдариуӕгад дзырдта, зӕгъгӕ, Хуссар Ирыстоны цы дӕлхӕйттӕ ӕхсынц, уыдон мах дӕлбар не сты, уӕддӕр рабӕрӕг, уыцы гарзджын къордтӕ кӕй уыдысты сӕ бӕрны.
Ног хабӕртты лентӕ
0