Дзæуджыхъæуы ацæудзæн тымбыл фынг ирон æвзагыл анимацийы фестивалы фæлгæтты

© Sputnik / Наталья АйриянРеспубликон зонадон библиотекæ
Республикон зонадон библиотекæ - Sputnik Хуссар Ирыстон, 1920, 15.07.2022
Бафыссын
Yandex newsTelegram
ЦХИНВАЛ, 15 июл – Sputnik. Цæгат Ирыстоны уагъд цæуы ирон æвзагыл мультфильмты фестиваль проект "Родная анимация"-йы фæлгæтты. Æхсæнадон организаци "Ирон Федераци"-йы минæвар Цгъойты Тамерлан куыд радзырдта Sputnik, афтæмæй проекты фæлгæтты ацæудзæн тымбыл фынг, кæцы нывонд у ирон æвзагыл анимацийæн.
"Нырма ацæудзæн мультфильм "Три богатыря и принцесса Египта"-йы премьерон равдыст, уый фæстæ та тымбыл фынг. Мадзалмæ фæхуыдтой уазджыты Кæсæг-Балхъарæй, Адыгейæ, Дагестанæй. Тымбыл фынджы сæйраг темæ у мадæлон æвзагыл сывæллæттæн анимацион фильмты арæзтад", - банысан кодта Цгъойты Тамерлан.
Тымбыл фынг ацæудзæн майрæмбоны республикон зонадон библиотекæйы бæстыхайы Дзæуджыхъæуы.
Афтæ ма, ирон æвзагыл мульфильмты фестивалы куыстмæ æрбаздахтой районты, скъолайон лагерьты æмæ Культурæйы хæдзæртты.
Къорд популярон мультфильмы ратæлмац кодтой ирон æвзагмæ, афтæ ма хицæн номхыгъды сты мультфильмтæ, кæцыты тæлмац кæндзысты мадæлон æвзагмæ, банысан кодта Цгъойты Тамерлан.
Ног хабӕртты лентӕ
0