https://sputnik-ossetia.com/20220715/tskhinvaly-administratsiyy-kusdzhytan-prezident-bazonga-kodta-sa-nog-sarglauuadzhy-17746757.html
Цхинвалы администрацийы кусджытӕн президент базонгӕ кодта сӕ ног сӕргълӕууӕджы
Цхинвалы администрацийы кусджытӕн президент базонгӕ кодта сӕ ног сӕргълӕууӕджы
Sputnik Хуссар Ирыстон
ЦХИНВАЛ, 15 июл — Sputnik, Гӕбӕраты Элина. Хуссар Ирыстоны президент Гаглойты Алан базонгӕ кодта Цхинвалы администрацийы кусджытӕн ног мэры - Кацты Генойы. 15.07.2022 мӕ, Sputnik Хуссар Ирыстон
2022-07-15T12:19+0300
2022-07-15T12:19+0300
2022-07-15T15:38+0300
ног хабӕрттӕ
хуссар ирыстоны
политикӕ
цхинвал
https://cdnn1.img.sputnik-ossetia.ru/img/07e6/07/0f/17746069_0:0:821:461_1920x0_80_0_0_f9bd9b9bb591374ed989003d0cb51f6d.jpg
ЦХИНВАЛ, 15 июл — Sputnik, Гӕбӕраты Элина. Хуссар Ирыстоны президент Гаглойты Алан базонгӕ кодта Цхинвалы администрацийы кусджытӕн ног мэры - Кацты Генойы. Йӕ снысан кӕныны фӕдыл барамынд бӕстӕйы сӕргълӕууӕг бафыста 12 июлӕй.Уый бафтыдта, хицауад йӕ ных кӕй сарӕзта фӕстиуӕгджын куысмтӕ, кӕцыйӕн аргъгӕнӕг уыдзысты адӕм."Мӕхирдыгӕй ӕх кӕддӕриддӕр цӕттӕ дӕн диалог ӕмӕ ӕххуысмӕ", - бафтыдта президент.Кацты Гено йӕ раныхасы банысан кодта, кӕй сараздзӕн ӕппӕт дӕр, цӕмӕй цӕсгомджынӕй ӕххӕст цӕуой уагдоны раз ӕвӕрд хӕстӕ.Цхинвалы мэрӕй 2017 азӕй фӕстӕмӕ куыста Коцты Алан. Уый отставкӕйы ацыд 24 июны.Кацты Гено у нывгӕнӕг ӕмӕ политик. Уый цыд президентон ӕвзӕрстытӕм 2011 ӕмӕ 2022 азы, фӕлӕ йӕ дыууӕ хатт дӕр Централон ӕвзарӕн къамис не срегистраци кодта.
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
2022
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
ног хабӕрттӕ
os_OS
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
ног хабӕрттӕ, хуссар ирыстоны, политикӕ, цхинвал
ног хабӕрттӕ, хуссар ирыстоны, политикӕ, цхинвал
Цхинвалы администрацийы кусджытӕн президент базонгӕ кодта сӕ ног сӕргълӕууӕджы
12:19 15.07.2022 (Ранӕуӕггонд: 15:38 15.07.2022) ЦХИНВАЛ, 15 июл — Sputnik, Гӕбӕраты Элина. Хуссар Ирыстоны президент Гаглойты Алан базонгӕ кодта Цхинвалы администрацийы кусджытӕн ног мэры - Кацты Генойы.
Йӕ снысан кӕныны фӕдыл барамынд бӕстӕйы сӕргълӕууӕг бафыста 12 июлӕй.
"Сымахӕн ис ног къухдариуӕггӕнӕг. Разӕй ӕнхъӕлмӕ кӕсынц ивындзинӕдтӕ ӕмӕ, кӕй зӕгъын ӕй хъӕуы, бирӕ куыст. Ныфс мӕ ис, администрацийы сӕргълӕууӕг ӕмӕ коллективы архайд кӕй уыдзӕн здӕхт ӕрмӕстдӕр горӕты цӕрджыты хӕрзӕбонмӕ", - загъта Гаглойты Алан.
Уый бафтыдта, хицауад йӕ ных кӕй сарӕзта фӕстиуӕгджын куысмтӕ, кӕцыйӕн аргъгӕнӕг уыдзысты адӕм.
"Мӕхирдыгӕй ӕх кӕддӕриддӕр цӕттӕ дӕн диалог ӕмӕ ӕххуысмӕ", - бафтыдта президент.
Кацты Гено йӕ раныхасы банысан кодта, кӕй сараздзӕн ӕппӕт дӕр, цӕмӕй цӕсгомджынӕй ӕххӕст цӕуой уагдоны раз ӕвӕрд хӕстӕ.
"Нӕ куыст уыдзӕн фӕстиуӕгджын, лӕггад кӕндзыстӕм адӕмӕн. Фӕнды мӕ зӕгъын, нырӕй фӕстӕмӕ ам гӕртӕмттӕ кӕй нал уыдзӕн, уыцы хъуыддӕгтӕм ӕркӕсдзӕн прокуратурӕ. Сӕйраджыдӕр, адӕммӕ хъуамӕ уа хӕлар ӕмӕ фӕлмӕн ахаст, ацы уӕззау рӕстӕджы уый ӕнӕмӕнгхъӕуӕг у", - банысан кодта администрацийы ног сӕргълӕууӕг.
Цхинвалы мэрӕй 2017 азӕй фӕстӕмӕ куыста Коцты Алан. Уый отставкӕйы ацыд 24 июны.
Кацты Гено у нывгӕнӕг ӕмӕ политик. Уый цыд президентон ӕвзӕрстытӕм 2011 ӕмӕ 2022 азы, фӕлӕ йӕ дыууӕ хатт дӕр Централон ӕвзарӕн къамис не срегистраци кодта.
