Генпрокуратурæ басгардзæн техникæ хи бакæныны цау "Цхинвалы арæзтадон компани"-йы рдыгæй

© Sputnik / Natalia Airiyan Генпрокуратурæ
Генпрокуратурæ  - Sputnik Хуссар Ирыстон, 1920, 21.07.2022
Бафыссын
Yandex newsTelegram
ЦХИНВАЛ, 21 июл – Sputnik. Хуссар Ирыстоны генералон прокуратурæ басгардзæн "Цхинвалы арæзтадон компани"-йы директоры хæдивæджы архæйдтытæ, кæцы хи бакодта арæзтадон техникæ, кæцы йæм радтой бавæрынмæ.
Уагдоны пресс-службæ куыд хъусын кæны, афтæмæй "СоюзСтройПроект" директор Григорий Наумов йæ кусджытæн мызд кæй фыста, уый фæдыл уголовон хъуыддаджы рæстæджы 2017 азы горæты тæрхондон æрурæдта компанийы арæзтадон техникæ.
2019 азы техникæ радтой бавæрынмæ Цхуырбаты Вильямæн, кæцы уый фæстæ æнæзаконæй ныффыста техникæ "Цхинвалы арæзтадон компани"-йыл æмæ сæ пайда кодта объекттыл арæзтадон-монтажон куыстыты рæстæджы.
"2022 азы 21 июны Республикæ Хуссар Ирыстоны экономикон фыдракæндты ныхмæ тохы дæлхайадмæ барвыстæуыд фæдзæхст, цæмæй ауадзой басгæрст "Цхинвалы арæзтадон компани"-йы финансон-хæдзарадон архайдæн", - дзырдæуы Генпрокуратурæйы хъусинаджы.
Басгæрсты фæстæ саргъ кæндзысты Генпрокуратурæйы кусджытæн, "Цхинвалы арæзтадон компани"-йы директоры хæдивæгæн, афтæ ма æндæр гоймæгтæн, кæцытæ гæнæн ис хайад истой фыдракæндты.
Ног хабӕртты лентӕ
0