Хуссар Иры сног кӕндзысты стыр кредитты лӕвӕрд

© Sputnik / Natalia Airiyanӕхцатӕ
ӕхцатӕ - Sputnik Хуссар Ирыстон, 1920, 21.07.2022
Бафыссын
Yandex newsTelegram
ЦХИНВАЛ, 21 июл - Sputnik, Плиты Фатимӕ. Хуссар Ирыстоны егъау кредитон уагдон - "Сбербанк Южной Осетии" райдайдзӕн дӕттын стыр кредиттӕ, куыддӕр Национ банкӕй райса ӕхсӕнбакон кредит, афтӕ, фехъусын кодта Sputnik уагдоны хистӕр Дзуццаты Дмитрий.
Милуан ӕмӕ уымӕй фылдӕр бӕрц кредиттӕ, кӕцытӕ лӕвӕрд цӕуынц исады хатырӕй ныр дыууӕ къуырийы дӕргъы лӕвӕрд нал цӕуынц.
"Мах дӕс боны размӕ бадӕттам куырдиат, цӕмӕй нын сӕйраг банк - Национ банк радта ӕфстау 150 милуаны. Уый у хуымӕтӕг практикӕ. Куыддӕр фӕрӕзтӕ райсӕм, афтӕ сног кӕндзыстӕм егъау кредиттӕ дӕттыны куыст", - загъта уый.
Йӕ ныхӕстӕм гӕсгӕ, ныридӕгӕн дӕр банк дӕтты 300 мин сомы онг кредиттӕ.
"Цы фӕрӕзтӕ нӕм змӕлы (60-70 милуаны), уыдонӕй архайӕм. Кредиттӕ дӕттӕм ӕрмӕст къаддӕр суммӕ - 300 мин сомы онг", - бафтыдта уый.
Уагдоны разамонӕджы ныхӕстӕм гӕсгӕ, кредиттӕ исын кӕй фӕнды, уыдон нымӕц кӕны фылдӕр.
"Мах дӕттӕм кредит 15 процентыл аз, мах уавӕртӕ сты уӕрӕсейӕ зынгӕ хуыздӕр, уымӕ гӕсгӕ адӕм фылдӕр бӕрцӕй фӕнды райсын ам. Мах та архайдзыстӕм уымӕн сын фадӕттӕ саразын", - баххах кодта уый.
Ног хабӕртты лентӕ
0