Цхинвалы Зæронд хидæн рахицæнгонд 4 милуан сомы адавыны зæрдæхсайгæ баххæст кодта хæрдзтæ

© Sputnik / Alexey Kudenko / Ахизын фотобанкмӕæхцатæ
æхцатæ - Sputnik Хуссар Ирыстон, 1920, 21.07.2022
Бафыссын
Yandex newsTelegram
ЦХИНВАЛ, 21 июл – Sputnik. Хуссар Ирыстоны Гепрокуратурæ дарддæр уадзы фæдагуырд "РУС-СТРОЙ-СЕРВИС"-ы минæвары фæдыл бюджетон æхцайы фæрæзтæ хи бакæныны фæдыл.
Уагдоны пресс-службæ куыд хъусын кæны, афтæмæй нардуатон организацийы минæвар, кæцы йæхимæ райста бæрн ныппырх кæнын хид 13 Коммунары уынгыл æмæ ног хид саразын "Дорэкспострой"-имæ бадзырды фæлгæттæ, нæ сæххæст кодта æмбæлон куыстытæ.
Афтæмæй, 2021 азы 29 октябры "РУС-СТРОЙ-СЕРВИС" хыгъдмæ бацыд 12 914 363 сомы авансы хуызы. Уыдонæй "РУС-СТРОЙ-СЕРВИС" гендиректор рахицæн кодта "Капиталинвест К"-йæн 8,7 милуан сомы æфсæйнаг-бетонон æрмæджытæн, кæцытæ не ‘рластой Хуссар Ирыстонмæ æмæ ныртæккæ сты цæгатирыстойнаг Беслæны.
Аннæ æхцайы фæрæзтæ 4 211 603 сомы "РУС-СТРОЙ-СЕРВИС" гендиректор бахардз кодта йæхи хæрдзтыл.
"Фæдагуырды фæлгæтты 2022 азы 18 июлы зæрдæхсайгæ баххæст кодта материалон зиан, кæцы æрхаста Республикæ Хуссар Ирыстоны паддзахадон бюджетæн", - фехъусын кодтой Генпрокуратурæйы.
Скъуыддзаг цæуы фарст, цæмæй æрласой уыцы æфсæйнаг-бетонон æрмæджытæ Цхинвалмæ æмæ сæ радтой "Дорэкспострой"-æн.
Ног хабӕртты лентӕ
0