Икъаты Русланбег нысан ӕрцыд Цӕгат Иры хицауады сӕрдары хӕдивӕгӕй

© Sputnik / Анна КабисоваИкъаты Русланбег
Икъаты Русланбег  - Sputnik Хуссар Ирыстон, 1920, 25.07.2022
Бафыссын
Yandex newsTelegram
ЦХИНВАЛ, 25 июл - Sputnik. Дзӕуджыхъӕуы раздӕры сӕргълӕууӕг Икъаты Русланбег нысан ӕрцыд Цӕгат Ирыстоны хицауады сӕрдары хӕдивӕгӕй. Уый тыххӕй хъусын кӕны 15-ӕм Регион.
Раздӕр куыд фехъусын кодтой, афтӕмӕй Икъаты Русланбек ацыд республикӕйы сӕйраг горӕты сӕргълӕууӕджы бынатӕй. Йӕ отставкӕ йын къуырисӕры ӕмхъӕлӕсӕй райстой цӕгатирыстойнаг депутаттӕ.
Фӕстӕдӕр РЦИ-А сӕргълӕууӕг Сергей Меняйло аппаратон ӕмбырды рӕстӕджы снысан кодта Икъаты Русланбеджы республикӕйы хицауады сӕрдары хӕдивӕгӕй.
Икъаты Русланбег - Sputnik Хуссар Ирыстон, 1920, 25.07.2022
Дзæуджыхъæуы сæргълæууæг Икъаты Русланбег ацыд отставкæйы
Ног бынаты уый раивта вице-премьер Бокоты Эльбрусы, кӕцыйы дӕлбар уыдысты ЦКХ фарстытӕ. Меняйлойы ныхӕстӕм гӕсгӕ, Бокоты Эльбрус йӕ архайд арарддӕр кӕндзӕн регионы сӕргълӕууӕджы уынаффӕгӕнӕджы бынаты.
"Мах ацы темӕйыл рагӕй уынаффӕ кодтам. Фӕдыздӕхт уыдзӕн серьезон, кӕцымӕ йӕ хъус дардзӕн Бокоты Эльбрус. Уый фадат ратдзӕн куыст фӕхуыздӕр кӕнынӕн, рахиздзыстӕм куысты ног формӕмӕ заказтӕм гӕсгӕ. Икъаты Русланбегӕй курӕг дӕн, цӕмӕй анализ сараза ЦКХ уавӕрӕн, реализаци цы программӕтӕ хъуамӕ ӕрцӕуой, уыдон арӕзтадӕн. Цыбыр ӕмгъуыдмӕ хъӕуы фарстытӕ аскъуыддзаг кӕнын", - банысан кодта республикӕйы раздзог.
Икъаты Русланбег Дзӕуджыхъӕуы сӕргълӕууӕгӕй куыста 2019 азы сентябрӕй фӕстӕмӕ.
Ног хабӕртты лентӕ
0