Цхинвалы районы фæкъаддæр фыдракæндтæ æмæ авариты нымæц – МХМ

© Пресс-служба МВД РЮОМХМ оперативон-службæйон рабадт
МХМ оперативон-службæйон рабадт - Sputnik Хуссар Ирыстон, 1920, 28.07.2022
Бафыссын
Yandex newsTelegram
ЦХИНВАЛ, 28 июл — Sputnik. Цхинвалы районы 2022 азы фыццаг хай фæкъаддæр фыдракæндты нымæц. Уый тыххæй дзырд цыд оперативон-службæйон рабадты рæстæджы.
"Ацы азы 6 мæймæ регистрацигонд æрцыд 8 фыдракæнды, уыдон иууылдæр раргом кодтой. Фарон азы аналогион периоды фыдракæндты нымæц уыд 12, уыдонæй 11 раргом кодтой", - дзырдæуы хъусинаджы.
Районы фæндæгтыл дæр фæкъаддæр фæндагон-транспортон цауты нымæц – 12 ФТЦ, фарон азы аналогион периоды æрцыд 15 аварийы. Авд хатт ФТЦ сæххæст кодтой нозтджын шофыртæ.
Афтæ ма рейдты рæстæджы Паддзахадон автоинспекцийы кусджытæ уагдоны æндæр дæлхайæдтимæ иумæ сбæрæг кодтой 18 нозтджын шофыры.
Уымæй дарддæр рабадтыл банысан кодтой, азы æрдæг хайы æнахъомты хайадистæй фыдракæндтæ регистрацигонд не рцыд. Æнахъомты хъуыддæгты фæдыл инспектортæ иудадзыг уадзынц профилактикон мадзæлттæ æнахъомтæ æмæ сæ ныййарджытимæ.
Рабадты фæстиуæгæн Цхинвалы районы прокурор Уалыты Алан банысан кодта цалдæр здæхты, кæцытæ хъæуы фæхуыздæр кæнын. Уалыты Алан Цхинвалы районы мидхъуыддæгты хайады куыстæн саргъ кодта куыд рæстæмбис.
Ног хабӕртты лентӕ
0