"НОЗТА", "НЫЗТА" ÆВИ "НУÆЗТА"?

«НОЗТА», «НЫЗТА» ÆВИ «НУÆЗТА»?
Бафыссын
Yandex newsTelegram
Адæм æмгъуызон хъуамæ дзуриккой. Адæмæн иу æвзаг вæййы æмæ кæрæдзи уымæн æмбарынц. Алы адæймагæн хицæн æвзаг куы фестид, уæд адæм сæмтъе­ры уаиккой Чехойты дугъау. Уæдæ нуæзта, нызта æмæ нозта не ʻвзаджы фæр­сæй-фæрстæм кæй цæрынц, уый ууыл дзуры, æмæ сæ гаччы нæма æрбадтысты. Уымæн æмæ уыцы æртæйæ иу йеддæмæ-ма хъуамæ уаид не ʻвзаджы.
Мæнæ дыгурмæ куыд у, афтæ: ниуазун – ниуазт.
Уый у рагон "ныуазын"-æй. Кæддæр, дам, ны- ам разæфтуан уыдис, фæлæ гъеныр нал комы рахицæн кæнын, баныхæст дзырды уида­гыл. Æмхъæлæсон (уы) дыууæ хъæлæсоны ʻхсæн куы вæй­йы, уæд æртæ мыры фæцыбыр вæййынц æмæ-ма сæ аз­зайы æрмæстдæр иу хъæлæсон. Гъе уымæн фæдзурæм рæуæд æмæ род, цæуæт æмæ цот...
Дзырд "нуазын"-ы адзал баййæфта, зæгъæм, "нуæр­дын"-ы дæр: ис нордын, ныннуæрста, норст. Ам дæр ны- кæддæр разæфтуан уыдис.
Цæвиттонтæй куыд зыны, афтæмæй арæхдæр æмбæлы хъæлæсон "о". Æмæ уæд хъуамæ "нозт" фæуæлахиз уа "нуæзт" æмæ "нызт"-ыл. Æвзаг нæ быхсы ахæм хицæн варианттæ, сæмгъуызон сæ кæны куыдфæстагмæ. Ам дæр афтæ рауайдзæн: æртæйæ-ма баззайдзæн иу. Чизоны, уый уа "нозт".
Гæбæраты Никъалайы чиныг "Афтæ цæмæн дзурæм"-мæ гæсгæ.
Бæстонæй хъусут Sputnik Хуссар Ирыстоны.
Ног хабӕртты лентӕ
0